Artikolu 53 Għanijiet li għalihom data elettronika dwar is-saħħa tista’ tiġi pproċessata għal użu sekondarju

(a)

l-interess pubbliku fl-oqsma tas-saħħa pubblika jew dik okkupazzjonali, bħal attivitajiet li jipproteġu kontra theddid transkonfinali serju għas-saħħa, is-sorveljanza tas-saħħa pubblika jew attivitajiet għall-iżgurar ta’ livelli għoljin ta’ kwalità u sikurezza tal-kura tas-saħħa, inkluża s-sikurezza tal-pazjenti, u ta’ prodotti mediċinali jew ta’ apparati mediċi;

(b)

it-tfassil ta’ politika u attivitajiet regolatorji li jappoġġaw lill-korpi tas-settur pubbliku jew lill-istituzzjonijiet, lill-korpi, lill-uffiċċji jew lill-aġenziji tal-Unjoni, inklużi l-awtoritajiet regolatorji fis-settur tas-saħħa jew tal-kura biex iwettqu l-kompiti tagħhom definiti fil-mandati tagħhom;

(c)

statistika kif definit fl-Artikolu 3, il-punt (1), tar-Regolament (KE) Nru 223/2009, bħal statistika uffiċjali fil-livell nazzjonali, multinazzjonali u tal-Unjoni relatata mas-setturi tas-saħħa jew tal-kura;

(d)

l-attivitajiet ta’ edukazzjoni jew tagħlim fis-setturi tas-saħħa jew tal-kura fil-livell tal-edukazzjoni vokazzjonali jew ogħla;

(e)

ir-riċerka xjentifika relatata mas-setturi tas-saħħa jew tal-kura li tikkontribwixxi għas-saħħa pubblika jew għall-valutazzjonijiet teknoloġiċi tas-saħħa, jew li tiżgura livelli għoljin ta’ kwalità u sikurezza tal-kura tas-saħħa, ta’ prodotti mediċinali jew ta’ apparati mediċi, bil-għan li jkunu ta’ benefiċċju għal utenti finali, bħal pazjenti, professjonisti tas-saħħa u amministraturi tas-saħħa, inklużi:

(f)

it-titjib tal-għoti tal-kura, tal-ottimizzazzjoni tat-trattament u tal-għoti tal-kura tas-saħħa, abbażi tad-data elettronika dwar is-saħħa ta’ persuni fiżiċi oħra.