Artikolu 71 Dritt tan-nonparteċipazzjoni fl-ipproċessar tad-data elettronika personali dwar is-saħħa għal użu sekondarju

1.   Fi kwalunkwe ħin u mingħajr ma jipprovdu kwalunkwe raġuni, il-persuni fiżiċi għandu jkollhom id-dritt ta’ nonparteċipazzjoni fl-ipproċessar ta’ data elettronika personali dwar is-saħħa relatata magħhom għal użu sekondarju skont dan ir-Regolament. L-eżerċizzju ta’ dak id-dritt għandu jkun riversibbli.

2.   L-Istati Membri għandhom jipprevedu mekkaniżmu ta’ nonparteċipazzjoni aċċessibbli u li jinftiehem faċilment biex jiġi eżerċitat id-dritt stabbilit fil-paragrafu 1, li permezz tiegħu persuni fiżiċi jistgħu jesprimu b’mod espliċitu li ma jixtiqux li d-data elettronika personali dwar is-saħħa tagħhom tiġi proċessata għal użu sekondarju.

3.   Ladarba persuni fiżiċi jkunueżerċitaw id-dritt tagħhom ta’ nonparteċipazzjoni„ u meta d-data elettronika personali dwar is-saħħa relatata magħhom tkun tista’ tiġi identifikata f’sett tad-data, id-data elettronika personali dwar is-saħħa relatata ma’ dawk il-persuni fiżiċi ma għandhiex issir disponibbli jew tiġi pproċessata b’xi mod ieħor f’konformità mal-permessi tad-data maħruġa skont l-Artikolu 68 jew it-talbiet għad-data dwar is-saħħa skont l-Artikolu 69 approvati wara li l-persuna fiżika tkun eżerċitat id-dritt ta’ nonparteċipazzjoni..

L-ewwel subparagrafu ta’ dan il-paragrafu ma għandux jaffettwa l-ipproċessar għall-użu sekondarju ta’ data elettronika personali dwar is-saħħa relatata ma’ dawk il-persuni fiżiċi skont il-permessi tad-data jew it-talbiet għad-data dwar is-saħħa li jkunu nħarġu jew ġew approvati qabel ma l-persuni fiżiċi eżerċitaw id-dritt tagħhom li ma jipparteċipawx.

4.   B’eċċezzjoni mid-dritt ta’ nonparteċipazzjoni previst fil-paragrafu 1, Stat Membru jista’ jipprevedi fil-liġi nazzjonali tiegħu mekkaniżmu biex jagħmel id-data li għaliha ikun ġie eżerċitat id-dritt ta’ nonparteċipazzjoni disponibbli, dment li l-kundizzjonijiet kollha li ġejjin ikunu ssodisfati:

Il-liġi nazzjonali li tipprevedi tali mekkaniżmu għandu jipprevedi miżuri speċifiċi u xierqa sabiex jiġu protetti d-drittijiet fundamentali u d-data personali tal-persuni fiżiċi.

Meta Stat Membru jkun ippreveda fil-liġi nazzjonali tiegħu l-possibbiltà li jitlob aċċess għal data li għaliha ikun ġie eżerċitat id-dritt ta’ nonparteċipazzjoni u dawk il-kundizzjonijiet imsemmija fl-ewwel subparagrafu ta’ dan il-paragrafu jiġu ssodisfati, dik id-data tista’ tiġi inkluża meta jitwettqu l-kompiti skont l-Artikolu 57(1), il-punti (a)(i), (a) (iii), u (b).

5.   Ir-regoli dwar kwalunkwe mekanniżmu li jimplimenta l-eċċezzjonbijhiet previst skont il-paragrafu 4 b’eċċezzjoni mill-paragrafu 1, għandhom jirrispettaw l-essenza tad-drittijiet u l-libertajiet fundamentali u għandhom ikunu miżura meħtieġa u proporzjonata f’soċjetà demokratika biex jaqdu għanijiet ta’ interess pubbliku fil-qasam ta’ objettivi xjentifiċi u soċjetali leġittimi.

6.   Kwalunkwe pproċessar imwettaq f’konformità mal-mekkaniżmu li jimplimenta l-eċċezzjonijiet previsti skont il-paragrafu 4 ta’ dan l-Artikolu għandu jikkonforma mar-rekwiżiti ta’ dan il-Kapitolu, b’mod partikolari l-projbizzjoni fuq l-identifikazzjoni mill-ġdid jew tentattiv ta’ identifikazzjoni mill-ġdid ta’persuni fiżiċi skont l-Artikolu 61(13). Kwalunkwe miżura leġislattiva li tipprevedi mekkaniżmu fil-liġi nazzjonali kif imsemmi fil-paragrafu 4 ta’ dan l-Artikolu għandu jinkludi dispożizzjonijiet speċifiċi dwar is-sikurezza u l-protezzjoni tad-drittijiet ta’ persuni fiżiċi.

7.   L-Istati Membri għandhom jinnotifikaw mingħajr dewmien lill-Kummissjoni dwar id-dispożizzjonijiet tal-liġi nazzjonali tagħhom li jadottaw skont il-paragrafu 4 u, dwarkwalunkwe emenda sussegwenti li taffettwahom.

8.   Meta l-għanijiet tal-ipproċessar ta’ data elettronika personali dwar is-saħħa minn detentur tad-data dwar is-saħħa ma jirrikjedux l-identifikazzjoni ta’ suġġett tad-data mill-kontrollur jew ma għadhomx jirrikjeduha, dak id-detentur tad-data dwar is-saħħa ma għandux ikun obbligat li jżomm, jikseb jew jipproċessa informazzjoni addizzjonali sabiex jidentifika s-suġġett tad-data għall-għan uniku li jikkonforma mad-dritt tan-nonparteċipazzjoni skont dan l-Artikolu.