Artikolu 102 Evalwazzjoni, rieżami u rapport dwar il-progress

1.   Sas-26 ta’ Marzu 2033, il-Kummissjoni għandha twettaq evalwazzjoni mmirata ta’ dan ir-Regolament, u tippreżenta rapport dwar is-sejbiet ewlenin tiegħu lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, akkumpanjat, fejn xieraq, minn proposta għall-emenda tiegħu. Dik l--evalwazzjoni għandha tkopri dan li ġej:

2.   Sas-26 ta’ Marzu 2035, il-Kummissjoni għandha twettaq evalwazzjoni ġenerali ta’ dan ir-Regolament, u tippreżenta rapport dwar is-sejbiet ewlenin tiegħu lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, akkumpanjat, fejn xieraq, minn proposta għall-emenda tiegħu jew miżuri xierqa oħra. Dik l-evalwazzjoni għandha tinkludi valutazzjoni tal-effiċjenza u l-funzjonament tas-sistemi li jipprevedu l-aċċess għad-data elettronika dwar is-saħħa għal ipproċessar ulterjuri, imwettaq abbażi tal-liġi tal-Unjoni jew nazzjonali msemmija fl-Artikolu 1(7), fir-rigward tal-impatt tagħhom fuq l-implimentazzjoni ta’ dan ir-Regolament.

3.   L-Istati Membri għandhom jipprovdu lill-Kummissjoni l-informazzjoni meħtieġa għat-tħejjija tar-rapporti msemmija fil-paragrafi 1 u 2 u l-Kummissjoni għandha tqis dik l-informazzjoni b’mod xieraq f’dawk ir-rapporti.

4.   Kull sena wara sal-25 ta’ Marzu 2025 sal-aħħar tas-sena li fiha d-dispożizzjonijiet kollha ta’ dan ir-Regolament japplikaw kif previst fl-Artikolu 105, il-Kummissjoni għandha tippreżenta lill-Kunsill rapport dwar it-tħejjija tal-implimentazzjoni sħiħa ta’ dan ir-Regolament. Dak ir-rapport ta’ progress għandu jkun fih informazzjoni dwar il-grad ta’ progress u l-istat ta’ tħejjija tal-Istati Membri fir-rigward tal-implimentazzjoni ta’ dan ir-Regolament, inkluża valutazzjoni tal-fattibbiltà li jintlaħqu l-perjodi ta’ żmien stabbiliti fl-Artikolu 105, u jista’ jkun fih ukoll rakkomandazzjonijiet għall-Istati Membri biex itejbu t-tħejjija għall-applikazzjoni ta’ dan ir-Regolament.