ANNESS I Karatteristiċi prinċipali ta’ kategoriji ta’ prijorità ta’ data elettronika personali dwar is-saħħa għal użu primarju

Kategorija ta’ data elettronika dwar is-saħħa

Karatteristiċi ewlenin tad-data elettronika dwar is-saħħa inklużi fil-kategorija

Data elettronika dwar is-saħħa li tinkludi fatti kliniċi sinifikanti relatati ma’ persuna fiżika identifikata u li hija essenzjali għall-forniment ta’ kura tas-saħħa sikura u effiċjenti lil dik il-persuna. L-informazzjoni li ġejja hija parti minn sommarju tal-pazjent:

Data elettronika dwar is-saħħa li tikkostitwixx preskrizzjoni għal prodott mediċinali kif definit fl-Artikolu 3, il-punt (k), tad-Direttiva 2011/24/UE.

Informazzjoni dwar il-forniment ta’ prodott mediċinali lil persuna fiżika minn spiżerija bbażata fuq preskrizzjoni elettronika.

Data elettronika dwar is-saħħa relatata mal-użu ta’ teknoloġiji jew prodotta minn teknoloġiji li jintużaw biex wieħed jara l-ġisem tal-bniedem sabiex jiġu evitati, dijanjostikati, immonitorjati jew trattati kundizzjonijiet mediċi.

Data elettronika dwar is-saħħa li tirrappreżenta r-riżultati ta’ studji mwettqa b’mod partikolari permezz ta’ dijanjostika in vitro bħal pereżempju l-bijokimika klinika, l-ematoloġija, il-mediċina tat-trasfużjoni, il-mikrobijoloġija, l-immunoloġija u oħrajn, u inkluż, fejn rilevanti, ir-rapporti li jappoġġaw l-interpretazzjoni tar-riżultati.

Data elettronika dwar is-saħħa relatata ma’ laqgħa tal-kura tas-saħħa jew episodju ta’ kura u li tinkludi informazzjoni essenzjali dwar l-ammissjoni, it-trattament u r-rilaxx ta’ persuna fiżika.