Preamble: 1

(1)

Billi d-Direttiva tal-Kunsill Nru 76/403/KEE tas-6 t'April 1976 dwar ir-rimi ta' polychlorinated biphenyls u polychlorinated terphenyls ( 4 ) ġabet approssimazzjoni sewwa tal-liġijiet tal-Istati Membri f'dan il-qasam; billi dawk ir-regoli ma’ kienux suffiċjenti; billi l-iprem kwalità titlob li l-kundizzjonijiet tar-rimi tal-PCBs jistgħu jiġu mtejjba; billi dik id-Direttiva allura għandha tiġi mibdula b'Direttiva ġdida;

(2)

Billi d-Direttiva tal-Kunsill Nru 76/769/KEE tas-27 ta' Lulju 1976 dwar l-approssimazzjoni tal-liġijiet, regolamenti u dispożizzjonijiet amministrattivi tal-Istati Membri li jirrelataw mar-restrizzjonijiet fuq ir-reklamar u l-użu ta' ċerti sustanzi perikolużi u preparamenti ( 5 ) tagħmel enfasi fuq il-bżonn ta' reviżjoni perjodika tal-problema kollha bl-għan li bil-mod twassal għall-projbizzjoni kompleta tal-PCBs u PCTs;

(3)

Billi r-rimi mingħajr ħsara ta' skart li mhux riċiklat u li mhux se jerġa’ jintuża huwa wieħed mill-għanijiet tar-Risoluzzjoni tal-Kunsill tas-7 ta' Mejju 1990 dwar il-politika tal-iskart ( 6 ), kif inhu konfermat mill-Programm tal-Ħames Azzjoni fuq l-Ambjent u l-Iżvilupp Sostenibbli, li l-metodu u l-istrateġija ġenerali tiegħu ġew approvati mill-Kunsill u mir-Rappreżentanti tal-Gvernijiet tal-Istati Membri, li jiltagħqu fil-Kunsill, fir-Risoluzzjoni tagħhom tal-1 ta' Frar 1993 ( 7 );

(4)

Billi bi qbil mad-Direttiva tal-Kunsill Nru 75/442/KEE tal-15 ta' Lulju 1975 dwar l-iskart ( 8 ), miżuri xierqa għandhom jittieħdu sabiex jiġi evitat l-abbandun, r-rimi jew rimi mhux kontrollat ta' skart, u l-użu ta' proċessi jew metodi li jistgħu jipperikolaw l-ambjent;

(5)

Billi sabiex teħles mill-PCBs, minħabba r-riskji li jippreżentaw lill-ambjent u lis-saħħa tal-bniedem, obligi ġenerali dwar ir-rimi kontrollat tal-PCBs u t-tneħħija tal-kontaminazzjoni jew ir-rimi t'apparat huma neċessarji;

(6)

Billi dawn il-miżuri għandhom jittieħdu mill-aktar fis possibli mingħajr preġudizzju lejn l-obbligi internazzjonali tal-Istati Membri, partikolarment dawk li jinsabu fid-Deċiżjoni PARCOM 92/3 ( 9 ); billi l-PCBs li huma s-suġġett ta' inventarju għandhom jinqerdu sa’ mhux aktar tard mill-2010;

(7)

Billi r-rimi tal-PCBs jippreżenta problema transitorja u temporanja u xi Stati Membri li m'għandhomx l-abbilità għar-rimi tal-PCB għandhom sitwazzjoni ta' problema maġġuri quddiemhom; billi l-prinċipju ta' qrubija għandu jiġi nterpretat b'mod flessibbli sabiex jippermetti solidarjetà Ewropea f'dan il-qasam; billi, kif ukoll, għandhom jiġu stabbiliti installazzjonijiet fil-Komunità għar-rimi, tneħħija tal-kontaminazzjoni u l-ħżin tal-PCBs;

(8)

Billi d-Direttiva tal-Kunsill Nru 75/439/KEE tas-16 ta' Ġunju 1975 dwar ir-rimi ta' żjut maħruqa ( 10 ) tistabbilixxi 50 ppm bħala l-limitu massimu għall-kontenut taż-żjut li jerġgħu jiġu ġenerati jew żjut użati għall-karburanti tal-PCB jew PCT;

(9)

Billi d-Direttiva tal-Kunsill Nru 91/339/KEE tat-18 ta' Ġunju 1991, li temenda d-Direttiva Nru 76/769/KEE għal-ħdax-il-darba ( 11 ), tipprojbixxi jew tirrestrinġi l-marketing ta' ċerti sostituti tal-PCB, u billi allura anki dawn għandhom jiġu meqruda kompletatment;

(10)

Billi huwa essenzjali li tkun taf kemm jeżistu kwantitajiet ta' PCBs sabiex tkun tista’ tqabbel l-abbiltà tar-rimi mal-bżonnijiet; billi huwa allura neċessarju li timmarka l-apparat li jkollu fih il-PCBs u li tiġbor inventarji ta' dan l-apparat; billi dawn l-inventarji għandhom jiġu aġġornati regolarment;

(11)

Billi, minħabba l-ispejjeż u d-diffikultajiet tekniċi nvoluti f'inventarju tal-apparat li jkun ikkontaminat ftit mill-PCBs, inventarju simplifikat għandu jiġi użat; billi, kif ukoll, għandu jkun hemm provvediment għall-apparat li jkun ftit ikkontaminat mill-PCBs sabiex dan jiġi mormi fl-aħħar tal-ħajja ta' użu tiegħu, minħabba r-riskji baxxi li dan għandu fuq l-ambjent;

(12)

Billi l-marketing tal-PCBs huwa projbit, u billi s-separazzjoni tal-PCBs mis-sustanzi l-oħra biex jerġgħu jiġu wżati u ż-żieda tat-transformers mal-PCBs għandha allura tiġi projbita; billi, iżda, fuq art sigura, l-manutenzjoni tat-transformers jista’ jitkompla sabiex iżommu l-kwalità insulanti tal-PCBs li jkunu jinsabu fihom;

(13)

Billi impriżi li jieħdu ħsieb ir-rimi u/jew it-tneħħija tal-kontaminazzjoni tal-PCBs irridu jiksbu l-permessi;

(14)

Billi l-kundizzjonijiet għall-apparat tat-tneħħija tal-kontaminazzjoni li jkun fih il-PCBs għandhom jiġu definiti u billi l-apparat għandu jkun ittikketjat speċifikament;

(15)

Billi ċerti biċċiet ta' xogħol tekniċi għall-implimentazzjoni ta' din id-Direttiva għandhom isiru mill-Kummissjoni, skond il-proċedura tal-Kumitat riferuta fl-Artikolu 18 tad-Direttiva Nru 75/442/KEE;

(16)

Billi in-numru ta' impjanti tar-rimi u tat-tneħħija tal-kontaminazzjoni tal-PCB huwa żgħir u l-kapaċità tagħhom hija limitata u r-rimi u/jew it-tneħħija tal-kontaminazzjoni tal-PCBs fl-inventarju allura trid tkun ippjanata sew; billi, aktar u aktar, il-qafas tal-ġbir u sussegwentament tar-rimi ta' apparat li mhux fl-inventarju għandu jitwaqqaf; billi dan il-qafas, jekk ikun hemm bżonn, jista’ juża makkinarju eżistenti dwar l-iskart in ġenerali u ma’ jkunx hemm għalfejn jikkonsidra kwantitajiet żgħar ħafna tal-PCBs li fil-prattika ma’ jkunux jistgħu jiġu identifikati,