Artikolu 29 Identifikazzjoni ta’ pajjiżi terzi b’defiċjenzi strateġiċi sinifikanti fir-reġimi nazzjonali tagħhom tal-AML/CFT

1.   Pajjiżi terzi b’defiċjenzi strateġiċi sinifikanti fir-reġimi nazzjonali tagħhom tal-AML/CFT għandhom jiġu identifikati mill-Kummissjoni u indikati bħala “pajjiżi terzi b’riskju għoli”.

2.   Sabiex jiġu identifikati l-pajjiżi terzi kif imsemmi fil-paragrafu 1 ta’ dan l-Artikolu, il-Kummissjoni hija mogħtija s-setgħa li tadotta atti delegati f’konformità mal-Artikolu 85 sabiex tissupplimenta dan ir-Regolament, fejn:

Dawk l-atti delegati għandhom jiġu adottati fi żmien għoxrin jum kalendarju minn meta l-Kummissjoni taċċerta li ġew issodisfati l-kriterji fil-punt (a), (b) jew (c) tal-ewwel subparagraphu.

3.   Għall-finijiet tal-paragrafu 2, il-Kummissjoni għandha tqis is-sejħiet għall-applikazzjoni ta’ miżuri ta’ diliġenza dovuta msaħħa u ta’ miżuri addizzjonali ta’ mitigazzjoni (“kontromiżuri”) minn organizzazzjonijiet internazzjonali u minn dawk li jistabbilixxu l-istandards b’kompetenza fil-qasam tal-prevenzjoni tal-ħasil tal-flus u tal-ġlieda kontra l-finanzjament tat-terroriżmu, kif ukoll evalwazzjonijiet, valutazzjonijiet, rapporti jew dikjarazzjonijiet pubbliċi rilevanti mfasslin minnhom.

4.   Meta pajjiż terz jiġi identifikat f’konformità mal-kriterji msemmijin fil-paragrafu  2 , l-entitajiet marbutin b’obbligu għandhom japplikaw il-miżuri ta’ diliġenza dovuta msaħħa elenkati fl-Artikolu 34(4) fir-rigward tar-relazzjonijiet tan-negozju jew ta’ tranżazzjonijiet okkażjonali li jinvolvu persuni fiżiċi jew ġuridiċi minn dak il-pajjiż terz.

5.   L-att delegat imsemmi fil-paragrafu 2 għandu jidentifika fost il-kontromiżuri elenkati fl-Artikolu 35 il-kontromiżuri speċifiċi li jimmitigaw ir-riskji speċifiċi li jirriżultaw minn kull pajjiż terzb’riskju għoli.

6.   Meta Stat Membru jidentifika riskju speċifiku ta’ ħasil tal-flus jew finanzjament tat-terroriżmu ppreżentat minn pajjiż terz li l-Kummissjoni tkun identifikat f’konformità mal-kriterji msemmija fil-paragrafu 2 li ma jkunx indirizzat mill-kontromiżuri msemmija fil-paragrafu 5, huwa jista’ jirrikjedi li l-entitajiet marbutin b’obbligu stabbiliti fit-territorju tiegħu japplikaw kontromiżuri addizzjonali speċifiċi biex jimmitigaw ir-riskji speċifiċi li jirriżultaw minn dak il-pajjiż terz. Ir-riskju identifikat u l-kontromiżuri korrispondenti għandhom jiġu nnotifikati lill-Kummissjoni fi żmien ħamest ijiem minn meta jiġu applikati l-kontromiżuri.

7.   Il-Kummissjoni għandha tirrieżamina l-atti delegati msemmijin fil-paragrafu 2 fuq bażi regolari sabiex tiżgura li l-kontromiżuri speċifiċi identifikati skont il-paragrafu 5 iqisu l-bidliet fil-qafas AML/CFT tal-pajjiż terz u jkunu proporzjonati u adegwati għar-riskji.

Malli tirċievi notifika skont il-paragrafu 6, il-Kummissjoni għandha tivvaluta l-informazzjoni riċevuta biex tiddetermina jekk dawk ir-riskji speċifiċi li jirriżultaw minn dak il-pajjiż jaffettwawx l-integrità tas-suq intern tal-Unjoni. Fejn xieraq, il-Kummissjoni għandha tirrieżamina l-atti delegati msemmija fil-paragrafu 2, billi żżid il-kontromiżuri meħtieġa biex jittaffew dawk ir-riskji addizzjonali. Fejn il-Kummissjoni tqis li l-miżuri addizzjonali speċifiċi applikati minn Stat Membru skont il-paragrafu 6 mhumiex meħtieġa biex itaffu riskji speċifiċi li jirriżultaw minn dak il-pajjiż terz, hija tista’ tiddeċiedi, permezz ta’ att ta’ implimentazzjoni, li l-Istat Membru għandu jtemm il-kontromiżura addizzjonali speċifika.