4. Length of the stressed period

Ir-rekwiżit stabbilit fis-CRD li d-dejta storika użata biex jiġi kkalibrat il-kejl tal-VaR taħt Stress trid tkopri perjodu kontinwu ta’ 12-il xahar, japplika wkoll f’każijiet li fihom l-istituzzjonijiet jidentifikaw perjodu li huwa iqsar minn 12-il xahar iżda li jitqies avveniment ta’ stress sinifikanti rilevanti għall-portafoll ta’ istituzzjoni.

L-approċċ li jrid jiġi applikat biex jiġi identifikat il-perjodu ta’ stress sabiex jiġi sodisfatt ir-rekwiżit tal-Paragrafu 10a tal-Anness 5 tad-Direttiva 2006/49/KE kif emendata mid-Direttiva 2010/76/UE, sabiex jiġi kkalkolat kejl tal-VaR taħt Stress ikkalibrat għal perjodu kontinwu ta’ 12-il xahar ta’ stress finanzjarju rilevanti għall-portafoll ta’ istituzzjoni, huwa l-element l-aktar materjali li jiddetermina l-eżitu tal-mudell u għaldaqstant huwa soġġett għall-approvazzjoni tal-awtoritajiet kompetenti.