9.6 Rekwiżiti tal - IT fir - rigward ta’ kollateral

L- istituzzjonijiet ta’ kreditu għandu jkollhom bażijiet ta’ data tat - tranżazzjonijiet li jippermettu l - valutazzjoni, il - monitoraġġ u l - kontroll xierqa tar - riskju ta’ kreditu, li jwieġbu għat - talbiet mill - maniġment u s - superviżuri, u li jippermettu l - għoti ta’ informazzjoni f’rapporti perjodiċi u dokumentazzjoni oħra f’waqtha u komprensiva. B’mod partikolari, il - bażijiet tad - data finanzjarji għandhom jikkonformaw mar - rekwiżiti li ġejjin:

• a) fond u wisa’ suffiċjenti, fis - sens li jkopru l - fatturi ta’ riskju sinifikanti kollha;
• b) il - preċiżjoni, l - integrità, l - affidabbiltà u l - puntwalità tad - data;
• c) il - konsistenza – dawn għandhom ikunu bbażati fuq sorsi komuni ta’ informazzjoni u definizzjonijiet uniformi tal - kunċetti użati għall - kontroll tar - riskju ta’ kreditu;
• d) it - traċċabilità, b’tali mod li s - sors ta’ informazzjoni jkun jista’ jiġi identifikat.

Dawn il - bażijiet ta’ data għandhom jinkludu l - informazzjoni rilevanti kollha dwar proprjetajiet u kollateral ieħor għat - tranżazzjonijiet tal - istituzzjonijiet ta’ kreditu u dwar ir - rabtiet bejn il - kollateral u tranżazzjonijiet speċifiċi.