5. Speċifikazzjoni tas - sistema ta’ governanza li għandha tiġi pprovduta

L- istituzzjonijiet u d - ditti ta’ investiment għandhom jindikaw is - sistema ta’ governanza tagħhom. Għal dan l - eżerċizzju, id - differenzjazzjoni għandha tkun limitata jew għal sistema ta’ bord unifikat (sistema ta’ saff wieħed) jew għal sistema ta’ bord doppju (sistema ta’ żewġ saffi). Is - sistemi ibridi għandhom jiġu allokati għal dawn is - sistemi kif indikat fil - punti (a) u (b) hawn taħt, indipendentement mill - eżistenza ta’ bordijiet eżekuttivi addizzjonali, kumitati tal - awditjar, għar - remunerazzjoni jew ta’ nominazzjoni, jew mill - fatt li ċerti deċiżjonijiet jittieħdu direttament mill - azzjonisti aktar milli mill - korp ta’ ġestjoni.

• a. Sistema ta’ saff wieħed għandha tinftiehem bħala sistema fejn il - membri kollha tal - korp ta’ ġestjoni fil - funzjoni maniġerjali tiegħu u l - membri kollha tal - korp ta’ ġestjoni fil - funzjoni superviżorja tiegħu jifformaw korp ta’ ġestjoni wieħed bir - responsabbiltà li jistabbilixxi l - istrateġija, l - objettivi u d - direzzjoni ġenerali tal - istituzzjoni. Fejn, minbarra dan il - bord unitarju, ikun hemm bord eżekuttiv obbligatorju, l - istituzzjonijiet u d -ditti ta’ investiment xorta għandhom jitqiesu li għandhom struttura ta’ saff wieħed.
• b. Sistema ta’ żewġ saffi għandha tinftiehem bħala sistema fejn il - korp ta’ ġestjoni fil - funzjoni maniġerjali tiegħu (diretturi eżekuttivi, inkluż is - CEO) jifforma korp distint mill - korp li jikkonsisti biss mill - membri tal - korp ta’ ġestjoni fil - funzjoni superviżorja tagħhom (diretturi mhux eżekuttivi), jiġifieri ma jeżisti l - ebda bord unitarju.