4. Chun críocha mhír 1, pointe (c), chun coimeádachas cur chuige i leith ionadach a thástáil, roghnóidh na húdaráis inniúla sampla de chuir chuige agus cuirfidh siad na céimeanna seo a leanas uile i bhfeidhm san ord seo a leanas i gcás gach cur chuige i leith ionadach:
|
(a)
|
é a cheangal ar an institiúid amshraith sampla d’fhachtóirí riosca nach n-úsáidtear ionadaigh ina leith a sholáthar, ar fachtóirí iad, dá n-úsáidfí ionadaigh ina leith, a leanfadh an cur chuige i leith ionadach a bhfuil measúnú á dhéanamh air;
|
|
(b)
|
é a cheangal ar an institiúid an amshraith a sholáthar a d’úsáidfí tríd an gcur chuige i leith ionadach a bhfuil measúnú á dhéanamh air a chur i bhfeidhm ar amshraith na bhfachtóirí riosca dá dtagraítear i bpointe (a);
|
|
(c)
|
i gcás an dá amshraith, luaineachtaí na bhfachtóirí riosca sa tréimhse struis agus sa tréimhse 12 mhí a chuaigh thart a fháil, agus a fhíorú nach ngannmheastar leis an luaineacht a eascraíonn as an amshraith ionadach dá dtagraítear i bpointe (b) an luaineacht a eascraíonn as an amshraith dá dtagraítear i bpointe (a).
|
Le linn an modh measúnúcháin sin a chur i bhfeidhm, roghnóidh na húdaráis inniúla sampla d’fhachtóirí riosca lena léireofar éagsúlacht cur chuige i leith ionadach, lena n-áirítear, i gcás ina n-úsáidfear iad, samhlacha fachtóirí, neastacháin béite, agus mapáil fachtóirí riosca chuig tagarmharcanna, lena n-áirítear ainmneacha atá ionadaíoch d’earnáil agus réigiún ar leith nó d’innéacsanna ar leith.