Airteagal 17 Anailísithe rátála, fostaithe agus daoine eile a bhfuil baint acu le soláthar rátálacha ESG

1.   Áiritheoidh soláthraithe rátála ESG go gcuirfear oiliúint iomchuí ar anailísithe rátála, ar fhostaithe agus ar aon duine nádúrtha eile faoina smacht nó a gcuirtear a seirbhísí ar fáil dóibh mar shampla trí shocrú conarthach, agus a bhfuil baint dhíreach acu le rátálacha ESG a sholáthar, lena n-áirítear anailísithe riosca a bhfuil baint dhíreach acu leis an bpróiseas rátála agus daoine a bhfuil baint acu le scóir ESG a sholáthar, go mbeidh oiliúint iomchuí acu agus go mbeidh an t-eolas agus an taithí acu is gá chun na dualgais agus na cúraimí a shanntar a chomhlíonadh, lena n-áirítear, i gcás inarb iomchuí, tuiscint leordhóthanach ar aon riosca ábhartha airgeadais a d’fhéadfadh a bheith ann don mhír rátáilte agus ar aon tionchar ábhartha a d’fhéadfadh a bheith ag an mír rátáilte ar an gcomhshaol agus ar an tsochaí i gcoitinne.

2.   Áiritheoidh soláthraithe rátála ESG nach gceadaítear do na daoine dá dtagraítear i mír 1 caibidlíocht maidir le táillí nó íocaíochtaí a thionscnamh, nó páirt a ghlacadh iontu, le haon mhír rátáilte nó le heisitheoir míre rátáilte, nó le haon duine a bhfuil nasc aige go díreach nó go hindíreach leis an mír rátáilte nó le heisitheoirí na míre rátáilte trí rialú.

3.   Cé is moite de shealúchais i scéimeanna comhinfheistíochta éagsúlaithe, lena n-áirítear cistí bainistithe, nó infheistíochtaí arna ndéanamh faoi bhainistíocht punainne lánroghnach:

4.   Ní bheidh baint dhíreach ag na daoine dá dtagraítear i mír 1 le rátáil ESG na míre rátáilte ábhartha a chinneadh, ná ní imreoidh siad tionchar ar bith ar an rátáil ESG sin a chinneadh, i gcás inar fíor an méid seo a leanas faoi na daoine sin:

5.   Áiritheoidh soláthraithe rátála ESG, maidir leis na daoine dá dtagraítear i mír 1, agus maidir leis na daoine a bhfuil post ardbhainistíochta acu sa soláthraí rátála ESG:

6.   I gcás ina measann na daoine dá dtagraítear i mír 1 go raibh iompar a mheasann siad a bheith neamhdhleathach ar bun ag aon duine eile dá dtagraítear sa mhír sin, déanfaidh siad é a thuairisciú don fheidhm formhaoirseachta láithreach. Áiritheoidh an soláthraí rátála ESG nach mbeidh aon iarmhairt dhiúltach ag an tuairisciú sin ar an duine a dhéanfaidh an tuairisciú.

7.   I gcás ina gcuireann anailísí rátála deireadh lena fhostaíocht nó lena fostaíocht le soláthraí rátála ESG agus, laistigh de bhliain amháin tar éis deireadh a chur leis an bhfostaíocht, go dtéann sé nó sí isteach i mír rátáilte nó eisitheoir míre rátáilte a raibh baint dhíreach aige nó aici le cinneadh a rátála aonair, déanfaidh an soláthraí rátála ESG athbhreithniú ar obair ábhartha an anailísí rátála ar feadh na tréimhse bliana roimh imeacht dó nó di chun a fhíorú an raibh aon choinbhleacht leasa ann.

8.   Ní rachaidh na daoine dá dtagraítear i mír 1, agus daoine a bhfuil post ardbhainistíochta acu i soláthraí rátála ESG, i mbun poist ardbhainistíochta laistigh de mhír rátáilte nó eisitheoir míre rátáilte a raibh baint acu le cinneadh a rátála aonair ar feadh tréimhse naoi mí tar éis dháta na rátála sin.