IARSCRÍBHINN I

Colún 1

Ainmniú na substainte nó an ghrúpa substaintí

Colún 2

Coinníollacha an tsrianta

1.  Mearcair Uimh. CAS. 7439-97-6 Uimh. CE 231-106-7 agus a chomhdhúile

Ní bheidh níos mó ná 0,0005  % de mhearcair (arna shloinneadh mar mhiotal mearcair) de réir meáchain i gceallraí, bídís i láthair nó ionchorpraithe i bhfearais nó ná bíodh, i modhanna éadroma iompair nó i bhfeithiclí eile nó ná bíodh.

2.  Caidmiam Uimh. CAS 7440-43-9 Uimh. CE 231-152-8 agus a chomhdhúile

1.  Ní bheidh níos mó ná 0,002  % de chaidmiam (arna shloinneadh mar mhiotal caidmiam) de réir meáchain i gceallraí inaistrithe, bídís i láthair nó ionchorpraithe i bhfearais nó ná bíodh, i modhanna éadroma iompair nó i bhfeithiclí eile nó ná bíodh.

2.  Maidir le ceallraí feithiclí leictreacha agus ceallraí DSA, atá ionchorpraithe i bhfeithiclí, lena n-áirítear feithiclí sainchuspóireacha, de chatagóirí M1 agus N1 mar a shainmhínítear i Rialachán (AE) 2018/858, ní bheidh níos mó ná 0,01  % de chaidmiam (arna shloinneadh mar mhiotal caidmiam) de réir meáchain in ábhar aonchineálach iontu.

3.  Ní bheidh feidhm ag pointe 2 maidir le ceallraí feithiclí leictreacha arna n-úsáid mar pháirteanna spártha le haghaidh feithiclí leictreacha, lena n-áirítear feithiclí sainchuspóireacha, de chatagóirí M1 agus N1 mar a shainmhínítear i Rialachán (AE) 2018/858 a chuirtear ar an margadh roimh an 31 Nollaig 2008.

3.  Luaidhe Uimh. CAS 7439-92-1 Uimh. CE 231-100-4 agus a comhdhúile

1.  Ón 18 Lúnasa 2024, ní bheidh níos mó ná 0,01  % de luaidhe (arna shloinneadh mar mhiotal luaidhe) de réir meáchain i gceallraí inaistrithe, bídís i láthair nó ionchorpraithe i bhfearais nó ná bíodh.

2.  Ní bheidh feidhm ag an srian a leagtar amach i bpointe 1 maidir le cnapchealla soghluaiste sinc-aeir go dtí an 18 Lúnasa 2028.

3.  Ní bheidh níos mó ná 0,1  % luaidhe (arna shloinneadh mar mhiotal luaidhe) de réir meáchain in ábhar aonchineálach i gceallraí inaistrithe atá ionchorpraithe i bhfeithiclí, lena n-áirítear feithiclí sainchuspóireacha, de chatagóirí M1 agus N1 mar a shainmhínítear i Rialachán (AE) 2018/858.

4.  Ní bheidh feidhm ag pointe 3 maidir le Ceallraí Inaistrithe atá ionchorpraithe i bhfeithiclí, nó arna n-úsáid mar pháirteanna spártha le haghaidh feithiclí, lena n-áirítear feithiclí sainchuspóireacha, de chatagóirí M1 agus N1 mar a shainmhínítear i Rialachán (AE) 2018/858, arna gcineálcheadú roimh an 1 Eanáir 2024.

5.  Ní bheidh níos mó ná 0,1  % luaidhe (arna shloinneadh mar mhiotal luaidhe) de réir meáchain in ábhar aonchineálach i gceallraí feithiclí leictreacha atá ionchorpraithe i bhfeithiclí, lena n-áirítear feithiclí sainchuspóireacha, de chatagóirí M1 agus N1 mar a shainmhínítear i Rialachán (AE) 2018/858.

6.  Ní bheidh feidhm ag pointe 5 maidir leis an méid a leanas:

(a)  Ceallraí feithiclí leictreacha a úsáidtear i gcórais ardvoltais (2) atá ionchorpraithe i bhfeithiclí de chatagóirí M1 agus N1, nó arna n-úsáid mar pháirt spártha dóibh, i bhfeithiclí de chatagóirí M1 agus N1, mar a shainmhínítear i Rialachán (AE) 2018/858 agus arna gcineálcheadú roimh an 1 Eanáir 2019;

(b)  Ceallraí feithiclí leictreacha nach gcumhdaítear le pointe (a) den phointe seo atá ionchorpraithe i bhfeithiclí, lena n-áirítear feithiclí sainchuspóireacha, de chatagóirí M1 agus N1 nó arna n-úsáid mar pháirt spártha dóibh, mar a shainmhínítear i Rialachán (AE) 2018/858, agus arna gcineálcheadú roimh an 1 Eanáir 2024.

7.  Ní bheidh níos mó ná 0,1  % luaidhe (arna shloinneadh mar mhiotal luaidhe) de réir meáchain in ábhar aonchineálach i gceallraí DSA atá ionchorpraithe i bhfeithiclí, lena n-áirítear feithiclí sainchuspóireacha, de chatagóirí M1 agus N1 mar a shainmhínítear i Rialachán (AE) 2018/858.

8.  Ní bheidh feidhm ag pointe 7 maidir leis an méid a leanas:

(a)  ceallraí DSA arna n-úsáid i bhfeidhmeanna 12 V le haghaidh feithiclí, lena n-áirítear feithiclí sainchuspóireacha, de chatagóirí M1 agus N1 mar a shainmhínítear i Rialachán (AE) 2018/858. (3)

(b)  ceallraí DSA arna n-úsáid i bhfeidhmeanna 24 V i bhfeithiclí sainchuspóireacha de chatagóirí M1 agus N1 mar a shainmhínítear i Rialachán (AE) 2018/858. (4)

(c)  ceallraí DSA arna n-úsáid i bhfeidhmeanna eile seachas na feidhmeanna sin a chumhdaítear le pointí (a) agus (b) den phointe seo i bhfeithiclí, lena n-áirítear feithiclí sainchuspóireacha, de chatagóirí M1 agus N1 mar a shainmhínítear i Rialachán (AE) 2018/858 arna gcineálcheadú roimh an 1 Eanáir 2024.

4.  Cróimiam heicsifhiúsach CAS Uimh 18540-29-9EC Uimh. 606-053-1 agus a chomhdhúile

Na ceallraí atá ionchorpraithe i bhfeithiclí, lena n-áirítear feithiclí sainchuspóireacha, de chatagóirí M1 agus N1 mar a shainmhínítear i Rialachán (AE) 2018/858, ní bheidh níos mó ná 0,1  % de chróimiam heicsifhiúsach iontu, arna chur in iúl mar mhiotal cróimiam heicsifhiúsach, de réir meáchain in ábhar aonchineálach.