Airteagal 6 Ceanglais astaíochtaí nialasacha bhreise an fhuinnimh a úsáidtear i mbeart

1.   Ón 1 Eanáir 2030, long a mhúráiltear cois cé i gcalafort cuarda a chumhdaítear le hAirteagal 9 de Rialachán (AE) 2023/1804, agus atá faoi dhlínse Ballstáit, nascfaidh sí le OPS agus úsáidfidh sí é le haghaidh iomlán a héilimh ar chumhacht leictreach i mbeart.

2.   Ón 1 Eanáir 2035, long a mhúráiltear cois cé i gcalafort cuarda nach gcumhdaítear le hAirteagal 9 de Rialachán (AE) 2023/1804, atá faoi dhlínse Ballstáit agus i gcás ina bhfuil an ché feistithe le OPS atá ar fáil, nascfaidh sí leis an OPS sin agus úsáidfidh sí í le haghaidh iomlán a héilimh ar chumhacht leictreach i mbeart.

3.   Ón 1 Eanáir 2030 agus go dtí an 31 Nollaig 2034, agus tar éis dul i gcomhairle leis na geallsealbhóirí ábhartha, lena n-áirítear, i gcás inarb iomchuí, comhlacht bainistíochta an chalafoirt, féadfaidh Ballstát a chinneadh go nascfaidh long atá feistithe cois cé i gcalafort cuarda faoina dhlínse nach gcumhdaítear le hAirteagal 9 de Rialachán (AE) 2023/1804, nó i gcodanna áirithe den chalafort sin, go nascfaidh sí le OPS agus go n-úsáidfidh sí í le haghaidh iomlán a héilimh ar chumhacht leictreach i mbeart. Tabharfaidh an Ballstát fógra don Choimisiún faoin gcinneadh uaidh maidir leis an gceanglas sin a fhorchur bliain sula gcuirfear i bhfeidhm é. Ní mór feidhm a bheith ag cinneadh den sórt sin ó thús tréimhse tuairiscithe. Foilseoidh an Coimisiún an fhaisnéis in Iris Oifigiúil an Aontais Eorpaigh agus cuirfidh sé liosta nuashonraithe de na calafoirt lena mbaineann ar fáil go poiblí. Beidh rochtain éasca ar an liosta sin.

4.   Beidh feidhm ag míreanna 1, 2, agus 3 maidir leis an méid seo a leanas:

5.   Ní bheidh feidhm ag míreanna 1, 2 ná 3 maidir leis na longa seo a leanas:

6.   Tugtar de chumhacht don Choimisiún gníomhartha tarmligthe a ghlacadh agus a thabhairt cothrom le dáta go rialta i gcomhréir le hAirteagal 28 chun an tábla neamh-uileghabhálach a leagtar amach in Iarscríbhinn III a leasú trí theicneolaíochtaí astaíochtaí nialasacha eile a chur leis, de réir bhrí Airteagal 3, pointe (7).

7.   Féadfaidh an Coimisiún gníomhartha cur chun feidhme a ghlacadh chun na critéir mhionsonraithe inghlacthachta a bhunú, lena n-áirítear teorainneacha córais agus ceanglais deimhniúcháin a shainiú, ar critéir iad a mheasfar a bheith ag comhlíonadh na gceanglas ginearálta maidir le teicneolaíochtaí astaíochtaí nialasacha dá bhforáiltear in Iarscríbhinn III, lena n-áirítear na nuashonruithe a dhéanfar uirthi amach anseo.

Maidir le liosta na dteicneolaíochtaí atá ann cheana dá bhforáiltear in Iarscríbhinn III, glacfar na gníomhartha cur chun feidhme sin faoin 30 Meitheamh 2024, i gcás inarb infheidhme. I gcás aon teicneolaíochtaí nua, glacfar na gníomhartha cur chun feidhme sin, i gcás ina mbeidh teicneolaíochtaí eile dá dtagraítear in Iarscríbhinn III ar fáil, gan moill mhíchuí.

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 29(3).

8.   Cuirfidh longa in iúl roimh ré d’údarás inniúil Bhallstát an chalafoirt cuarda nó d’aon eintiteas cuí-údaraithe roimh dhul isteach i gcalafoirt go bhfuil rún acu nascadh le OPS nó go bhfuil rún acu teicneolaíocht astaíochtaí nialasacha a úsáid agus mír 5, pointe (b) á chur i bhfeidhm. Na longa a bhfuil sé ar intinn acu nascadh le OPS, cuirfidh siad in iúl freisin an méid cumhachta a bhfuil siad ag súil leis le linn na cuarda sin ar chalafort.

Ar an bhfaisnéis a fháil ó long maidir leis an nasc le OPS dá dtagraítear sa chéad fhomhír a fháil, dearbhóidh údarás inniúil Bhallstát an chalafoirt cuarda nó aon eintitis chuí-údaraithe don long an bhfuil nasc le OPS ar fáil.

Glacfaidh an Coimisiún gníomhartha cur chun feidhme lena sonrófar an fhaisnéis atá le soláthar i gcomhréir leis an gcéad fhomhír agus an dara fomhír, chomh maith leis an nós imeachta chun an fhaisnéis sin a sholáthar. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 29(3).

9.   Déanfaidh údarás inniúil Bhallstát an chalafoirt cuarda nó aon eintiteas cuí-údaraithe, tar éis dul i gcomhairle le comhlacht bainistíochta an chalafoirt i gcás inarb iomchuí, an fhaisnéis seo a leanas a chinneadh agus a thaifeadadh gan mhoill i mbunachar sonraí FuelEU:

10.   Ón 1 Eanáir 2035, i gcalafoirt a thagann faoi cheanglais Airteagal 9 de Rialachán (AE) 2023/1804, ní fhéadfar na heisceachtaí dá bhforáiltear i mír 5, pointí (d), (e) agus (f) a chur i bhfeidhm ach amháin maidir le líon uasta cuairteanna ar chalafort arb ionann é agus 10 % de líon iomlán cuairteanna ar chalafort loinge a tharla le linn tréimhse tuairiscithe, arna slánú suas go dtí an tslánuimhir is gaire, i gcás inarb ábhartha, nó go dtí uasmhéid de 10 gcuairt ar chalafoirt le linn na tréimhse tuairiscithe ábhartha, cibé acu is ísle.

Ní áireofar cuairt ar chalafort chun críoch comhlíontachta leis an bhforáil seo i gcás ina léiríonn an chuideachta, ar bhonn an mhalartaithe faisnéise dá bhforáiltear i mír 8, nárbh fhéidir léi a fhios a bheith aici go réasúnach nach mbeadh an long in ann nascadh le OPS ar aon cheann de na cúiseanna dá dtagraítear i mír 5, pointí (d), (e) nó (f).

11.   Féadfaidh Ballstát a chinneadh, i gcalafort nó i gcodanna áirithe de chalafort atá faoina dhlínse, go bhfuil longa coimeádán nó longa paisinéirí atá ar ancaire cumhdaithe ag na hoibleagáidí céanna a leagtar amach sa Rialachán seo agus is infheidhme maidir le longa atá ar múráil le cé. Tabharfaidh an Ballstát fógra don Choimisiún faoin gcinneadh uaidh maidir leis an gceanglas sin a fhorchur bliain sula gcuirfear i bhfeidhm é. Ní mór feidhm a bheith ag cinneadh den sórt sin ó thús tréimhse tuairiscithe. Foilseoidh an Coimisiún an fhaisnéis in Iris Oifigiúil an Aontais Eorpaigh agus cuirfidh sé liosta nuashonraithe de na calafoirt lena mbaineann ar fáil go poiblí. Beidh rochtain éasca ar an liosta sin.