Airteagal 21 4

(a)

bailiú, bailíochtú, scrúdú, meastóireacht agus scaipeadh sonraí ábhartha a bhaineann le feidhmíocht na seirbhísí aerloingseoireachta agus bainistíocht gréasáin a thagann ó na páirtithe ábhartha go léir, lena n-áirítear soláthraithe seirbhísí aerloingseoireachta, úsáideoirí aerspáis, oibreoirí aerfoirt, na húdaráis mhaoirseachta náisiúnta, na húdaráis inniúla náisiúnta, agus na húdaráis náisiúnta eile, an Ghníomhaireacht, an Bainisteoir Gréasáin agus Eurocontrol;

(b)

príomhtháscairí feidhmíochta chun spriocanna a shocrú sna príomhréimsí feidhmíochta dá dtagraítear i mír 3, pointe (a), den Airteagal seo, gan dochar do mhír 3, pointe (c)(iii), den Airteagal seo, agus d’Airteagal 28, pointe (g);

(c)

táscairí chun faireachán a dhéanamh ar fheidhmíocht sna príomhréimsí feidhmíochta dá dtagraítear i mír 3, pointe (a), agus na táscairí ábhartha sábháilteachta a shainítear i gcomhordú leis an nGníomhaireacht;

(d)

modheolaíocht chun luachanna miondealaithe a ríomh;

(e)

nósanna imeachta maidir le pleananna feidhmíochta agus spriocanna feidhmíochta a bhunú, agus maidir le hathbhreithniú a dhéanamh orthu, le haghaidh seirbhísí aerloingseoireachta, agus le haghaidh bhainistíocht an ghréasáin, chomh maith le teimpléid, ábhar agus cláir ama na bpleananna sin;

(f)

measúnú ar na dréachtphleananna agus dréachtspriocanna feidhmíochta le haghaidh seirbhísí aerloingseoireachta agus bainistíocht gréasáin;

(g)

faireachán ar phleananna feidhmíochta, lena n-áirítear sásraí foláirimh iomchuí chun athbhreithniú a dhéanamh ar phleananna agus spriocanna feidhmíochta agus chun athbhreithniú a dhéanamh ar spriocanna feidhmíochta uile-Aontais le linn tréimhse thagartha;

(h)

tagarmharcáil na soláthraithe seirbhísí aerloingseoireachta a ainmnítear faoi Airteagail 8 agus 10 i gcás inarb ábhartha;

(i)

scéimeanna dreasachta lena n-áirítear dreasachtaí dearfacha airgeadais agus dídhreasachtaí airgeadais araon;

(j)

sásraí comhroinnte rioscaí i leith tráchta agus costas;

(k)

amchláir maidir le spriocanna a shocrú, le measúnú a dhéanamh ar phleananna agus spriocanna feidhmíochta, le faireachán agus le tagarmharcáil;

(l)

prionsabail ghinearálta arna mbunú ag an gCoimisiún maidir le seirbhísí aerloingseoireachta críochfoirt agus faoi bhealach a leithdháileadh go comhréireach idir an dá chatagóir seirbhísí;

(m)

sásraí chun aghaidh a thabhairt ar theagmhais nach féidir a thuar agus teagmhais shuntasacha a bhfuil tionchar ábhartha acu ar chur chun feidhme na scéimeanna feidhmíochta agus muirearaithe.