Artikolu 21 4

(a)

il-ġbir, il-validazzjoni, l-eżami, l-evalwazzjoni u d-disseminazzjoni tad-data rilevanti relatata mal-prestazzjoni tas-servizzi tan-navigazzjoni bl-ajru u mal-ġestjoni tan-network mill-partijiet rilevanti kollha, inkluż il-fornituri tas-servizzi tan-navigazzjoni bl-ajru, l-utenti tal-ispazju tal-ajru, l-operaturi tal-ajruporti, l-awtoritajiet superviżorji nazzjonali, l-awtoritajiet kompetenti nazzjonali, u awtoritajiet nazzjonali oħrajn, l-Aġenzija, il-Maniġer tan-Network u l-EUROCONTROL;

(b)

indikaturi ewlenin tal-prestazzjoni għall-iffissar tal-miri fl-oqsma ewlenin ta’ prestazzjoni msemmija fil-paragrafu 3, il-punt (a) ta’ dan l-Artikolu, mingħajr preġudizzju għall-paragrafu 3, il-punt (c)(iii) ta’ dan l-Artikolu, u għall-Artikolu 28, il-punt (g);

(c)

indikaturi għall-monitoraġġ tal-prestazzjoni fl-oqsma ewlenin ta’ prestazzjoni msemmija fil-paragrafu 3, il-punt (a) u indikaturi rilevanti tas-sikurezza definiti f’koordinazzjoni mal-Aġenzija;

(d)

metodoloġija għall-kalkolu tal-valuri diżaggregati;

(e)

proċeduri għall-istabbiliment u r-reviżjoni ta’ pjanijiet ta’ prestazzjoni u ta’ miri ta’ prestazzjoni għas-servizzi tan-navigazzjoni bl-ajru, u għall-ġestjoni tan-network, kif ukoll il-mudelli, il-kontenut u l-iskedi taż-żmien ta’ tali pjanijiet;

(f)

il-valutazzjoni tal-abbozzi tal-pjanijiet ta’ prestazzjoni u tal-miri għas-servizzi tan-navigazzjoni bl-ajru u għall-ġestjoni tan-network;

(g)

il-monitoraġġ ta’ pjanijiet ta’ prestazzjoni, inkluż il-mekkaniżmi ta’ allerti xierqa għal reviżjoni tal-pjanijiet u l-miri ta’ prestazzjoni u għal reviżjoni tal-miri ta’ prestazzjoni għall-Unjoni kollha tul perjodu referenzjarju;

(h)

valutazzjoni komparattiva tal-fornituri tas-servizzi tan-navigazzjoni bl-ajru deżinjati skont l-Artikoli 8 u 10 fejn rilevanti;

(i)

skemi ta’ inċentivi li jinkludu kemm inċentivi finanzjarji pożittivi kif ukoll diżinċentivi;

(j)

mekkaniżmi tal-kondiviżjoni tar-riskju fir-rigward tat-traffiku u l-kostijiet;

(k)

skedi taż-żmien għall-iffissar tal-miri, il-valutazzjoni tal-pjanijiet u l-miri ta’ prestazzjoni, il-monitoraġġ u l-valutazzjoni komparattiva;

(l)

prinċipji ġenerali stabbiliti mill-Kummissjoni fuq allokazzjoni proporzjonali tal-kostijiet komuni għas-servizzi tan-navigazzjoni bl-ajru en route u fit-terminal bejn iż-żewġ kategoriji ta’ servizzi;

(m)

mekkaniżmi li jindirizzaw avvenimenti mhux prevedibbli u sinifikanti li jħallu impatt materjali fuq l-implimentazzjoni tal-iskemi ta’ prestazzjoni u ta’ imposti.