Airteagal 24 Sásra um ghiniúint sonraí

1.   Trí na hacmhainní neamhspleácha is fearr atá ar fáil a úsáid, féadfaidh ECHA staidéir eolaíocha a choimisiúnú chun an méid seo a leanas a dhéanamh:

2.   Gan dochar do na hoibleagáidí ar shealbhóirí dualgais faoi ghníomhartha dlí an Aontais a liostaítear in Iarscríbhinn I, Cuid 1, féadfaidh an Coimisiún, i gcásanna eisceachtúla inarb ann do chonspóid dáiríre nó torthaí contrártha, a iarraidh ar ECHA staidéir eolaíocha a choimisiúnú agus é mar chuspóir fianaise arna húsáid ina phróiseas um measúnú ar cheimiceáin a fhíorú. Féadfaidh raon feidhme níos leithne a bheith ag na staidéir sin ná an fhianaise atá faoi réir fíoraithe.

3.   Déanfaidh ECHA, arna iarraidh sin don Choimisiún, staidéir eolaíocha dá dtagraítear i míreanna 1 agus 2 a choimisiúnú.

4.   Ní choimisiúnóidh ECHA staidéir eolaíocha ach amháin i gcás nach féidir torthaí a fháil trí na forálacha dlí nó próisis dhlíthiúla atá ann cheana faoi ghníomhartha dlí an Aontais a liostaítear in Iarscríbhinn I, Cuid 1. Tabharfaidh sé tosaíocht d’úsáid modhanna bailíochtaithe neamhainmhithe, gan tástáil ar ainmhithe veirteabracha a úsáid ach amháin mar rogha dheiridh. Ní choimisiúnóidh sé staidéir arb é taighde an cuspóir príomhúil atá leo.

5.   Déanfaidh ECHA iarracht dúbláil a sheachaint le cláir thaighde nó cur chun feidhme de chuid na mBallstát nó de chuid an Aontais.

6.   Coimisiúnóidh ECHA staidéir eolaíocha de bhun an Airteagail seo ar bhealach oscailte agus trédhearcach, agus tar éis dó dul i gcomhairle leis na Ballstáit agus tar éis sin amháin.

7.   Oibreoidh ECHA agus EFSA i gcomhar le chéile maidir le pleanáil agus coimisiúnú a dhéanamh ar staidéir eolaíocha arna ndéanamh ag ECHA i gcomhréir le míreanna 1, 2 agus 3 den Airteagal seo agus staidéir arna ndéanamh ag EFSA i gcomhréir le hAirteagal 32 de Rialachán (CE) Uimh. 178/2002.

8.   Féadfaidh ECHA sampla de shubstaint nó meascán, lena bhfuil gá chun na staidéir eolaíocha dá dtagraítear i míreanna 1, 2 agus 3 a dhéanamh, a iarraidh ar oibreoir gnó a mhonaraíonn, a allmhairíonn nó a fhoirmlíonn an tsubstaint nó an meascán sin nó a chuireann an tsubstaint nó an meascán sin ar an margadh. Chun sampla a iarraidh, seolfaidh ECHA dréachtiarraidh chuig an oibreoir gnó, ina mínítear an iarraidh agus ina sonraítear cainníocht agus foirm an tsampla chomh maith leis an dáta faoina bhfuil an sampla le soláthar. Féadfaidh ECHA a iarraidh ar an oibreoir gnó saintréithriú substainte nó meascáin a sholáthar. Cuirfidh ECHA an t-oibreoir gnó ar an eolas faoina cheart chun barúil a thabhairt laistigh de 30 lá ón iarraidh a fháil. Cuirfidh ECHA aon bharúil a thugtar san áireamh, agus ansin deimhneoidh nó leasóidh sé iarraidh.

I gcás ina ndeimhneoidh nó ina leasóidh ECHA an iarraidh, soláthróidh an t-oibreoir gnó an sampla iarrtha saor in aisce do ECHA nó d’aon duine nádúrtha nó dlítheanach a choimisiúnaigh ECHA chun an staidéar eolaíoch a dhéanamh roimh an spriocdháta arna leagan amach ag ECHA. Féadfaidh an t-oibreoir gnó a iarraidh ar ECHA gan faisnéis áirithe saintréithrithe a bhaineann leis an sampla arna sholáthar a nochtadh má léiríonn an t-oibreoir gnó go mbainfeadh an nochtadh an bonn ó chosaint a leasanna tráchtála.

Má mheasann ECHA go bhfuil údar leis an iarraidh, measfar an fhaisnéis lena mbaineann a bheith rúnda agus ní chuirfear ar fáil í don phobal.

9.   Cuirfidh ECHA torthaí na staidéar eolaíoch arna ndéanamh faoin Airteagal seo ar fáil tríd an ardán sonraí comhchoiteann.