Airteagal 2 Sainmhínithe

ciallaíonn ‘glantach’ substaint, meascán nó miocrorgánaigh, nó teaglaim díobh sin, atá beartaithe:

ciallaíonn ‘glantach níocháin tomhaltóra’ glantach le haghaidh níocháin arna chur ar an margadh lena úsáid ag daoine nach proifisiúnaigh iad, lena n-áirítear i neachtlanna poiblí;

ciallaíonn ‘glantach miasniteoirí uathoibríocha tomhaltóra’ glantach arna chur ar an margadh lena úsáid i miasniteoirí uathoibríocha ag daoine nach proifisiúnaigh iad;

ciallaíonn ‘glantach ina bhfuil miocrorgánaigh’ glantach lenar cuireadh miocrorgánach amháin nó níos mó d’aon ghnó, bíodh sin leis féin nó trí cheann amháin de chomhpháirteanna an ghlantaigh;

ciallaíonn ‘glantach tionsclaíoch agus institiúideach’ glantach a chuirtear ar an margadh lena úsáid lasmuigh den réimse baile amháin, arna dhéanamh ag pearsanra speisialaithe;

ciallaíonn ‘glanadh’ an próiseas lena ndíghrádaítear nó lena mbaintear deascán neamh-inmhianaithe amach ó shubstráit nó ón taobh istigh de shubstráit agus lena n-athraítear go staid tuaslagáin nó chuig staid spréite é;

ciallaíonn ‘substaint’ substaint mar a shainmhínítear in Airteagal 3, pointe (1), de Rialachán (CE) Uimh. 1907/2006;

ciallaíonn ‘meascán’ meascán mar a shainmhínítear in Airteagal 3, pointe (2), de Rialachán (CE) Uimh. 1907/2006;

ciallaíonn ‘miocrorgánach’ miocrorgánach mar a shainmhínítear in Airteagal 3(1), pointe (b), de Rialachán (AE) uimh. 528/2012;

ciallaíonn ‘miocrorgánaigh ghéinmhodhnaithe’ miocrorgánaigh ar athraíodh an t-ábhar géiniteach iontu ar bhealach eile nach dtarlaíonn go nádúrtha trí chúpláil agus/nó athchuingriú nádúrtha; laistigh de théarmaí an tsainmhínithe seo:

ciallaíonn ‘dromchlaghníomhaí’ aon substaint nó meascán orgánach atá i nglantaigh nó a bheartaítear a úsáid i nglantaigh, ag a bhfuil saintréithe dromchla-ghníomhacha agus lena gcuimsítear grúpa hidrifileach amháin nó níos mó nó grúpa hidreafóbach amháin nó níos mó, ar de chineál agus de mhéid iad atá in ann na gníomhaíochtaí seo a leanas uile a dhéanamh:

ciallaíonn ‘dromchlaghníomhaí úsáideora deiridh’ dromchlaghníomhaí a chuirtear ar fáil ar an margadh d’úsáideoirí gairmiúla nó do thomhaltóirí;

ciallaíonn ‘bithdhíghrádú aeróbach deiridh’ leibhéal an bhithdhíghrádaithe a bhaintear amach i gcás ina n-úsáideann na miocrorgánaigh an tsubstaint nó an meascán ina iomláine le láithreacht na hocsaigine, rud a fhágann go ndianscaoileann sé go dé-ocsaíd charbóin, uisce agus salann mianrach d’aon eilimintí eile i láthair, mar a thomhaistear é le modhanna tástála a liostaítear i gCuid A d’Iarscríbhinn I, agus comhábhair cheallacha miocróbach nua (bithmhais);

ciallaíonn ‘sceo’ sceo polaiméireacha uiscethuaslagtha a úsáidtear mar chapsúil ghlantaigh;

ciallaíonn ‘cur ar fáil ar an margadh’ aon soláthar táirge lena dháileadh, lena thomhailt nó lena úsáid ar mhargadh an Aontais le linn gníomhaíochta tráchtála, cibé i gcomaoin ar íocaíocht nó saor in aisce;

ciallaíonn ‘cur ar an margadh’ an chéad chur ar fáil táirge ar mhargadh an Aontais;

ciallaíonn ‘monaróir’ aon duine nádúrtha nó aon duine dlítheanach a mhonaraíonn nó a chuireann faoi deara dromchlaghníomhaí a dhearadh nó a mhonarú, agus a chuireann an glantach nó an dromchlaghníomhaí sin ar an margadh faoina ainm nó a thrádmharc;

ciallaíonn ‘ionadaí údaraithe’ aon duine nádúrtha nó dlítheanach atá bunaithe san Aontas agus a bhfuil sainordú i scríbhinn faighte aige ó mhonaróir chun gníomhú thar a cheann maidir le cúraimí sonraithe;

ciallaíonn ‘allmhaireoir’ aon duine nádúrtha nó aon duine dlítheanach atá bunaithe laistigh den Aontas agus a chuireann glantach nó dromchlaghníomhaí ó thríú tír ar mhargadh an Aontais;

ciallaíonn ‘dáileoir’ aon duine nádúrtha nó aon duine dlítheanach sa slabhra soláthair, seachas an monaróir nó an t-allmhaireoir, a chuireann glantach nó dromchlaghníomhaí ar fáil ar an margadh;

ciallaíonn ‘oibreoir eacnamaíoch’ an monaróir, an t-ionadaí údaraithe, an t-allmhaireoir nó an dáileoir;

ciallaíonn ‘faireachas margaidh’ na gníomhaíochtaí agus na bearta a dhéanann na húdaráis faireachais margaidh chun a áirithiú go gcomhlíonann táirgí an Rialachán seo;

ciallaíonn ‘údarás faireachais margaidh’ údarás faireachais margaidh mar a shainmhínítear in Airteagal 3, pointe (4), de Rialachán (AE) 2019/1020;

ciallaíonn ‘aisghairm’ aisghairm mar a shainmhínítear in Airteagal 3, pointe (22), de Rialachán (AE) 2019/1020;

ciallaíonn ‘tarraingt siar’ tarraingt siar mar a shainmhínítear in Airteagal 3, pointe (23), de Rialachán (AE) 2019/1020;

ciallaíonn ‘gníomhaíocht cheartaitheach’ gníomhaíocht cheartaitheach mar a shainmhínítear in Airteagal 3, pointe (16), de Rialachán (AE) 2019/1020;

ciallaíonn ‘scaoileadh i saorchúrsaíocht’ an nós imeachta a leagtar síos in Airteagal 201 de Rialachán (AE) Uimh. 952/2013;

ciallaíonn ‘iompróir sonraí’ iompróir sonraí mar a shainmhínítear in Airteagal 2, an chéad mhír, pointe (29), de Rialachán (AE) 2024/1781;

ciallaíonn ‘aitheantóir táirge uathúil’ aitheantóir táirge uathúil mar a shainmhínítear in Airteagal 2, an chéad mhír, pointe (30), de Rialachán (AE) 2024/1781;

ciallaíonn ‘aitheantóir foirmle uathúil’ aitheantóir foirmle uathúil dá dtagraítear i gCuid A, pointe 5, d’Iarscríbhinn VIII a ghabhann le Rialachán (CE) Uimh. 1272/2008;

ciallaíonn ‘aitheantóir oibreora uathúil’ aitheantóir oibreora uathúil mar a shainmhínítear in Airteagal 2, an chéad mhír, pointe (31), de Rialachán (AE) 2024/1781;

ciallaíonn ‘pas táirge digiteach’ tacar sonraí a bhaineann go sonrach le táirge ina bhfuil an fhaisnéis a leagtar amach i gCuid A d’Iarscríbhinn VI agus atá inrochtana trí mhodhanna leictreonacha trí iompróir sonraí i gcomhréir le hAirteagal 21(4);

ciallaíonn ‘soláthraí seirbhíse pas táirge dhigitigh’ soláthraí seirbhíse pas táirge dhigitigh mar a shainmhínítear in Airteagal 2, an chéad mhír, pointe (32), de Rialachán (AE) 2024/1781;

ciallaíonn ‘údaráis chustaim’ údaráis chustaim mar a shainmhínítear in Airteagal 5, pointe (1), de Rialachán (AE) Uimh. 952/2013;

ciallaíonn ‘Córas Malartaithe Deimhnithe de chuid Ionad Ilfhreastail AE maidir le Custam’ an córas a bunaíodh le Rialachán (AE) 2022/2399;

ciallaíonn ‘pacáistíocht aonair’ pacáistíocht ina gcuirtear an glantach nó an dromchlaghníomhaí úsáideora deiridh ar fáil ar an margadh agus a mbeartaítear go rachadh sé in éineacht leis an ábhar go dtí an láthair ina n-úsáidtear é;

ciallaíonn ‘athlíonadh’ an oibríocht ar an láthair lena líontar glantach nó dromchlaghníomhaí a thairgeann oibreoir eacnamaíoch d’úsáideoirí deiridh le linn gníomhaíocht tráchtála, bíodh sin ar íocaíocht nó saor in aisce, i bpacáistíocht;

ciallaíonn ‘stáisiún athlíonta’ áit a ndéanann oibreoir eacnamaíoch glantach nó dromchlaghníomhaí is féidir a fháil trí athlíonadh, de láimh nó trí threalamh uathoibríoch nó leath-uathoibríoch a thairiscint d’úsáideoirí deiridh;

ciallaíonn ‘múnla’ cineál glantaigh nó cineál dromchlaghníomhaí a chomhlíonann a aonaid uile na coinníollacha seo a leanas:

ciallaíonn ‘úsáideoir deiridh’ aon duine nádúrtha nó aon duine dlítheanach atá ina chónaí san Aontas nó atá bunaithe ann, ar cuireadh glantach nó dromchlaghníomhaí ar fáil ar an margadh dó i gcáil tomhaltóra lasmuigh d’aon trádáil, gnó, ceird nó gairm, nó i gcáil úsáideora deiridh ghairmiúil i rith a chuid gníomhaíochtaí tionsclaíocha nó gairmiúla.