IARSCRÍBHINN II

1.

Tuairisc ar an gcóras athúsáide uisce iomlán, ón bpointe a dtagann fuíolluisce isteach go dtí an gléasra cóireála fuíolluisce uirbigh go dtí an pointe úsáide, lena n-áirítear na foinsí fuíolluisce, na céimeanna cóireála agus na teicneolaíochtaí arna n-úsáid ag an tsaoráid athshlánaithe, an bonneagar soláthair, dáilte agus stórála, an úsáid bheartaithe, an t-ionad agus an tréimhse úsáide (e.g. úsáid shealadach nó ad hoc), na modhanna uisciúcháin, an cineál barra, foinsí eile uisce má bheartaítear meascán a úsáid agus cainníochtaí an uisce athshlánaithe atá le soláthar.

2.

Na páirtithe freagracha uile a mbaineann leis an gcóras athúsáide uisce a shainaithint agus tuairisc shoiléir a thabhairt ar a róil agus a bhfreagrachtaí.

3.

Na guaiseacha a d’fhéadfadh a bheith ann a shainaithint, go háirithe truailleáin agus pataiginí, agus an baol go dtarlódh eachtraí guaiseacha, amhail teip chóireála nó sceitheadh de thimpiste nó éilliú sa chóras athúsáide uisce.

4.

Na comhshaoil agus na daonraí a bhfuil baol ann ina leith a shainaithint mar aon leis na bealaí go nochtfar iad do na guaiseacha sainaitheanta a d’fhéadfadh a bheith ann, agus aird á tabhairt ar na himthosca comhshaoil sonracha, amhail an hidrigeolaíocht, toipeolaíocht, cineál ithreach agus éiceolaíocht áitiúil, agus imthosca a bhaineann le cineál na mbarr agus na cleachtais feirmeoireachta agus uisciúcháin. Éifeachtaí diúltacha fadtéarmacha nó do-athraithe don chomhshaol agus don tsláinte a d’fhéadfadh a bheith ag an oibríocht athshlánaithe uisce, arna tacú le fianaise eolaíoch, a bhreithniú.

5.

Measúnú ar rioscaí don chomhshaol, do shláinte an duine agus do shláinte ainmhithe, agus aird á tabhairt ar chineál na nguaiseacha sainaitheanta a d’fhéadfadh a bheith ann, fad na n-úsáidí beartaithe, na comhshaoil agus daonraí a sainaithníodh go bhfuil baol ann go nochtfar iad do na guaiseacha sin agus déine na n-éifeachtaí a d’fhéadfadh a bheith ag na guaiseacha, agus prionsabal an réamhchúraim á bhreithniú, mar aon le reachtaíocht ábhartha uile an Aontais agus an reachtaíocht náisiúnta ábhartha uile, na treoirdhoiciméid uile agus na híoscheanglais uile a bhaineann le sábháilteacht bia agus beatha agus sábháilteacht oibrithe. D’fhéadfadh an measúnú riosca a bheith bunaithe ar athbhreithniú ar na staidéir agus na sonraí eolaíocha atá ar fáil.

Is iad na heilimintí seo a leanas a bheidh sa mheasúnú riosca:

Féadfar an measúnú riosca a dhéanamh trí mheasúnú riosca cáilíochtúil nó leath-chainníochtúil a úsáid. Úsáidfear measúnú riosca cainníochtúil i gcás ina mbeidh go leor sonraí tacaíochta ann nó i dtionscadail a d’fhéadfadh riosca ard a bheith ag baint leo ó thaobh an chomhshaoil nó na sláinte poiblí de.

Cuirfear na ceanglais agus na hoibleagáidí seo a leanas, ar a laghad, san áireamh sa mheasúnú riosca:

6.

Ceanglais maidir le cáilíocht uisce agus faireachán atá sa bhreis ar na ceanglais nó atá níos déine ná na ceanglais a shonraítear i Roinn 2 d’Iarscríbhinn I, nó an dá rud, a bhreithniú, i gcás inar gá agus inarb iomchuí sin chun cosaint leordhóthanach don chomhshaol, do shláinte an duine agus do shláinte ainmhithe a áirithiú, go háirithe nuair a bheidh fianaise shoiléir eolaíoch ann gur de thionscnamh uisce athshlánaithe seachas ó fhoinsí eile é an riosca.

Ag brath ar thoradh an mheasúnaithe riosca dá dtagraítear i bpointe 5, d’fhéadfadh sé go mbainfeadh na ceanglais bhreise sin leis na nithe seo a leanas go háirithe:

7.

Bearta coisctheacha a shainaithint atá i bhfeidhm cheana féin nó ar cheart iad a dhéanamh chun srian a chur le rioscaí sa chaoi gur féidir na rioscaí sainaitheanta ar fad a bhainistiú go leordhóthanach. Déanfar aird ar leith a thabhairt ar na dobharlaigh a úsáidtear chun uisce a bheartaítear lena thomhailt ag an duine a aistarraingt agus ar na criosanna coimircí ábhartha.

Féadfar a áireamh ar na bearta coisctheacha sin:

Leagtar amach i dTábla 1 bearta coisctheacha sonracha a d’fhéadfadh a bheith ábhartha.

Tábla 1 — Bearta coisctheacha sonracha

8.

Córais agus nósanna imeachta rialála cáilíochta leordhóthanacha, lena n-áirítear faireachán ar an uisce athshlánaithe le haghaidh paraiméadair ábhartha, agus cláir chothabhála leordhóthanacha do threalamh.

Moltar go mbunódh agus go gcoinneodh an t-oibreoir saoráide athshlánaithe córas bainistithe cáilíochta atá deimhnithe faoi ISO 9001 nó a choibhéis.

9.

Córais faireacháin comhshaoil chun a áirithiú go soláthraítear aiseolas ón bhfaireachán agus go ndéantar gach próiseas agus nós imeachta a bhailíochtú agus a dhoiciméadú ar bhealach iomchuí.

10.

Córas iomchuí chun teagmhais agus éigeandálacha a bhainistiú, lena n-áirítear nósanna imeachta chun na páirtithe ábhartha ar fad a chur ar an eolas faoi theagmhais nó éigeandálacha den sórt sin ar bhealach iomchuí, agus uasdátuithe rialta ar phlean freagartha éigeandála.

D’fhéadfadh na Ballstáit úsáid a bhaint as na caighdeáin idirnáisiúnta atá ann cheana, amhail Treoirlínte ISO 20426:2018 maidir le measúnú riosca sláinte agus bainistiú sláinte le haghaidh uisce neamh-inólta, Treoirlínte ISO 16075:2015 maidir le húsáid fuíolluisce chóireáilte le haghaidh tionscadail uisciúcháin nó caighdeáin choibhéiseacha eile a nglactar leo ar an leibhéal idirnáisiúnta, nó treoirlínte EDS, mar ionstraimí chun guaiseacha a shainaithint go córasach, rioscaí a mheas agus a bhainistiú, bunaithe ar chur chuige tosaíochta a chuirtear i bhfeidhm ar an slabhra ar fad (ó chóireáil an fhuíolluisce uirbigh le hathúsáid, go dáileadh agus úsáid le haghaidh uisciú talmhaíochta, go rialú na n-éifeachtaí) agus measúnú sonrach riosca ar an láthair.

11.

A áirithiú go mbunófar sásraí comhordúcháin i measc gníomhaithe éagsúla chun táirgeadh sábháilte agus úsáid shábháilte an uisce athshlánaithe a áirithiú.