IARSCRÍBHINN IV Dearbhú comhréireachta an Aontais Eorpaigh

1.

Ainm an chórais RTS, leagan agus aon tagairt bhreise gan débhrí lenar féidir an córas RTS a shainaithint.

2.

Ainm agus seoladh an mhonaróra nó, más infheidhme, ainm agus seoladh a ionadaí údaraithe.

3.

Ráiteas gur faoi fhreagracht aonair an mhonaróra a eisítear dearbhú comhréireachta an Aontais Eorpaigh.

4.

Ráiteas go bhfuil an córas RTS atá i gceist i gcomhréir leis na forálacha a leagtar síos i gCaibidil III agus, más infheidhme, le haon dlí ábhartha eile de chuid an Aontais faoina ndéantar foráil maidir le heisiúint dhearbhú comhréireachta an Aontais Eorpaigh, arna chomhlánú leis an toradh ón timpeallacht tástála a luaitear in Airteagal 40.

5.

Tagairtí d’aon chaighdeáin chomhchuibhithe ábhartha a úsáidtear, ar ina leith a dhearbhaítear an chomhréireacht.

6.

Tagairtí do shonraíochtaí comhchoiteanna a úsáidtear, ar ina leith a dhearbhaítear an chomhréireacht.

7.

Áit agus dáta eisiúna an dearbhaithe, síniú agus ainm agus feidhm an duine a shínigh é, agus, más infheidhme, tásc ar an duine ar thar a cheann a síníodh é.

8.

I gcás inarb infheidhme, faisnéis bhreise.