1.2 Raon feidhme na n-institiúidí maidir le bailiú sonraí faoin bhbearna phá idir na hinscní

Ba cheart d’údaráis inniúla sonraí faoin bhearna phá idir na hinscní a bhailiú agus a chur faoi bhráid an ÚBE ar bhonn aonair ó na hinstitiúidí óna mbailíonn na húdaráis inniúla sin sonraí luacha saothair, i.e. an institiúid atá freagrach as sonraí a chomhdhlúthú faoi Airteagal 13 de Rialachán (AE) 575/2013 nó an institiúid aonair a áirítear sa sampla le haghaidh tagarmharcáil luacha saothair. Ba cheart d’údaráis inniúla sonraí faoin mbearna phá idir na hinscní a bhailiú freisin ó institiúidí nach gcáilíonn mar institiúidí beaga agus neamhchasta i gcomhréir le pointe (145) d’Airteagal 4(1) de Rialachán (AE) 575/2013 agus a dhéanann ionadaíocht leordhóthanach ar éagsúlacht na n-institiúidí éagsúla sa Bhallstát sin, lena n-áirítear institiúidí a bhfuil urrúis acu ar féidir iad a thrádáil nó atá i seilbh phríobháideach, bainc chomharchumainn agus coigiltis, bainc faoi úinéireacht stáit agus gnólachtaí infheistíochta a chuireann Treoir 2013/36/AE i bhfeidhm. Ar aon chuma, níor cheart sonraí na bearna pá idir na hinscní a bhailiú ach ó institiúidí a bhfuil ar a EBA Public

laghad 50 ball foirne acu ar bhonn aonair, gan comhaltaí an chomhlachta bainistíochta ina fheidhm mhaoirseachta a áireamh.

Agus mír 17 á gcur i bhfeidhm acu, ba cheart d’údaráis inniúla iarracht a dhéanamh sonraí na bearna pá idir na hinscní a bhailiú ó 5 institiúid ar a laghad (ar bhonn aonair) i ngach ceann de na catagóirí méide seo a leanas ina mBallstát, fiú má bhaineann bailiú sonraí tagarmharcála luacha saothair faoi roinn 1.1 le líon níos ísle institiúidí:

• a. sócmhainní iomlána de suas le EUR 5 bn;
• b. sócmhainní iomlána idir EUR 5 bn agus EUR 15 bn;
• c. sócmhainní iomlána de EUR 15 bn nó níos mó.