2.3 Socruithe eagraíochtúla

Ba cheart d’údaráis inniúla a áirithiú, chun an SREP a reáchtáil, go gcuimseofar an méid seo a leanas ar a laghad ina socruithe eagraíochtúla:

• a. tuairisc ar róil agus ar fhreagrachtaí a bhfoirne maoirseachta maidir leis an SREP a reáchtáil, mar aon leis na línte tuairiscithe ábhartha, i ngnáthchúinsí agus i gcúinsí éigeandála araon;
• b. socruithe chun cúrsaí a phlé le maoirseoirí ábhartha eile chun a dtuairimí a lorg agus ionchur ábhartha maidir le ceisteanna sonracha a bhféadfadh tionchar a bheith acu ar thorthaí nó scóir SREP chun dúbailt oibre a sheachaint agus chun comhsheasmhacht an mheasúnaithe agus na mbeart maoirseachta gaolmhar a áirithiú;
• c. nósanna imeachta chun torthaí agus breithiúnais mhaoirseachta a dhoiciméadú agus a thaifeadadh;
• d. socruithe chun na torthaí agus na scóir a fhormheas, chomh maith le nósanna imeachta géaraithe sa chás go bhfuil tuairimí easaontacha le tabhairt faoi deara laistigh den údarás inniúil, i ngnáthchúinsí agus i gcúinsí éigeandála araon;
• e. socruithe maidir le hidirphlé a eagrú leis an ngnólacht infheistíochta de na samhla rannpháirtíochta íosta mar atá sonraithe i Rannóg 2.4 chun measúnú a dhéanamh ar ghnéithe aonair SREP; agus

13

• f. socruithe do chomhairliúcháin le gnólacht infheistíochta agus torthaí SREP a roinnt leis an ngnólacht infheistíochta.

Nuair a bhíonn socruithe le haghaidh idirphlé le gnólachtaí infheistíochta á sainiú, ba cheart d’údaráis inniúla na himpleachtaí a d’fhéadfadh a bheith ag baint le scóir a sholáthar do na gnólachtaí infheistíochta i dtéarmaí a n-oibleagáidí nochta de bhua cheanglais Rialachán (AE) Uimh. 596/2014¹⁰ agus Threoir 2014/57/AE¹¹ agus Threoir 2004/109/CE¹² a mheas.