5.9 Teagmhas gnó agus pleanáil leanúnachais

Ba cheart d'údaráis inniúla measúnú a dhéanamh ar cibé acu atá nó nach bhfuil córas éifeachtach bainistíochta leanúnachais gnó bunaithe ag an ngnólacht infheistíochta chun a chumas leanúint ar aghaidh go leanúnacha a áirithiú agus srian a chur le caillteanas sa chás go gcuirtear isteach ar an ngnó ar bhealach suntasach.

Ba cheart d'údaráis inniúla measúnú a dhéanamh ar an méid seo a leanas:

• a. cibé acu atá nó nach bhfuil pleananna teagmhais agus leanúnachais gnó curtha i bhfeidhm agus tástáilte chun a áirithiú go bhfreagraíonn an gnólacht infheistíochta go cuí d'éigeandálaí agus go bhfuil ar a chumas leanúint ar aghaidh le gníomhaíochtaí agus feidhmeanna riachtanacha gnó má chuirtear isteach ar a ghnáthnósanna imeachta gnó;
• b. cibé acu atá nó nach bhfuil a phleananna teagmhais agus leanúnachais gnó doiciméadaithe agus curtha chun feidhme go cuí.