10.9 Idirghníomhaíocht idir bearta maoirseachta agus AML/ CFT

I gcás ina bhfuil tásca réasúnacha ag údaráis inniúla le linn dóibh a ngníomhaíochtaí maoirseachta a fheidhmiú maidir le heasnaimh i gcórais agus i gcreat rialuithe an ghnólachta infheistíochta nó sa chreat rialachais inmheánaigh a bhaineann le AML/CFT nó ar fhorais réasúnacha a bheith in amhras gur mhéadaigh an gnólacht infheistíochta neamhchosaint ar rioscaí ML/TF, ba cheart dóibh:

128

• a. aird an mhaoirseora AML/CFT a tharraingt ar na heasnaimh agus rioscaí seo a luaithe a sainaithnítear iad;
• b. measúnú a dhéanamh ar an tionchar a d’fhéadfadh a bheith ag easnaimh agus rioscaí den sórt sin ar chás stuamachta an ghnólachta infheistíochta;
• c. idirchaidreamh a dhéanamh le maoirseoirí AML/CFT agus i gcomhréir le sainorduithe agus feidhmeanna na n-údarás faoi seach, breithniú a dhéanamh ar na bearta maoirseachta stuamachta is iomchuí chun aghaidh a thabhairt ar na heasnaimh agus ar na rioscaí sin sa bhreis ar aon bhearta curtha i gcrích ag na maoirseoirí AML/CFT.

I gcás ina gcuirtear na húdaráis inniúla ar an eolas nó i gcás ina dtagann siad ar an eolas faoi bhearta maoirseachta nó smachtbhannaí arna bpleanáil nó arna bhforchur ag na maoirseoirí AML/CFT, ba cheart dóibh breithniú a dhéanamh ar cibé acu an gá nó nach gá agus conas impleachtaí stuamachta féideartha na laigí agus na dteipeanna arna sainaithint ag na maoirseoirí AML/CFT a mhaolú.

129