den chomhlacht bainistíochta

Mar chuid den mheasúnú ar oiriúnacht an chomhlachta bainistíochta, ba cheart d’eisitheoir ARTanna nó do CASP measúnú a dhéanamh ar eolas, scileanna agus taithí na gcomhaltaí aonair. Chun na críche sin, ba cheart d’eisitheoir ART nó do CASP an méid seo a leanas a dhéanamh:

• a. faisnéis a bhailiú trí bhealaí agus ionstraimí éagsúla (e.g. dioplómaí agus teastais, litreacha molta, curricula vitae, agallaimh, ceistneoirí);
• b. a cheangal ar an duine aonair a ndearnadh measúnú air nó uirthi faisnéis chruinn a sholáthar agus cruthúnas ar an bhfaisnéis sin a sholáthar, i gcás inar gá;
• c. cruinneas na faisnéise a thug an duine a ndearnadh measúnú air nó uirthi a bhailíochtú, a mhéid is féidir;
• d. i gcás inarb infheidhme, meastóireacht a dhéanamh laistigh den chomhlacht bainistíochta ina fheidhm mhaoirseachta ar thorthaí an mheasúnaithe; agus
• e. i gcás inar gá, na bearta ceartaitheacha is gá a shainaithint.

Ba cheart d’eisitheoir ARTanna nó do CASP tuairisc a dhoiciméadú ar phost an chomhalta a ndearnadh measúnú ina leith, lena n-áirítear ról an phoist sin laistigh d’eisitheoir ARTanna nó CASP agus ba cheart dó torthaí an mheasúnaithe a shonrú i ndáil le heolas, scileanna agus taithí agus torthaí an mheasúnaithe ar dhea-cháil agus ar an ngealltanas ama a rinneadh i gcomhréir leis na Treoirlínte seo.

C.3.2 Measúnú ar oiriúnacht chomhchoiteann chomhaltaí den chomhlacht bainistíochta ag