KAPITOLU IIIa INĊENTIVI SPEĊIFIĊI TA’ INVESTIMENT BIEX JINTLAĦQU L-OBJETTIVI TA’ DEKARBONIZZAZZJONI TAL-UNJONI

1. Ħarsa ġenerali

Titlu	Regolamentazzjoni
Artikolu 19a Ftehimiet dwar ix-xiri tal-enerġija
Artikolu 19b Mudelli volontarji għall-PPAs u monitoraġġ tal-PPAs
Artikolu 19c Miżuri fil-livell tal-Unjoni biex jikkontribwixxu għall-kisba tas-sehem addizzjonali tal-enerġija minn sorsi rinnovabbli	Artikolu 19c Miżuri fil-livell tal-Unjoni biex jikkontribwixxu għall-kisba tas-sehem addizzjonali tal-enerġija minn sorsi rinnovabbli Il-Kummissjoni għandha tivvaluta jekk il-miżuri fil-livell tal-Unjoni jistgħux jikkontribwixxu għall-kisba tal-isforz kollettiv tal-Istati Membri ta’ sehem addizzjonali ta’ 2,5 % ta’ enerġija minn sorsi rinnovabbli fil-konsum finali gross tal-enerġija tal-Unjoni fl-2030, skont id-Direttiva (UE) 2018/2001, filwaqt li jikkomplementaw il-miżuri nazzjonali. Il-Kummissjoni għandha tanalizza l-possibbiltà li tuża l-mekkaniżmu ta’ finanzjament tal-enerġija rinnovabbli tal-Unjoni stabbilit skont l-Artikolu 33 tar-Regolament (UE) 2018/1999 biex torganizza rkantijiet tal-enerġija rinnovabbli fil-livell tal-Unjoni f’konformità mal-qafas regolatorju rilevanti.
Artikolu 19d Skemi ta’ appoġġ dirett tal-prezzijiet fil-forma ta’ kuntratti bidirezzjonali għad-differenza għall-investiment
Artikolu 19e Valutazzjoni tal-ħtiġijiet ta’ flessibbiltà
Artikolu 19f Objettiv nazzjonali indikattiv għall-flessibbiltà mhux fossili	Artikolu 19f Objettiv nazzjonali indikattiv għall-flessibbiltà mhux fossili Mhux aktar tard minn sitt xhur wara l-preżentazzjoni tar-rapport skont l-Artikolu 19e(1) ta’ dan ir-Regolament, kull Stat Membru għandu jiddefinixxi, abbażi ta’ dak ir-rapport, objettiv nazzjonali indikattiv għall-flessibbiltà mhux fossili, inkluż il-kontributi speċifiċi kemm tar-rispons tad-domanda kif ukoll tal-ħżin tal-enerġija għal dak l-objettiv. L-Istati Membri jistgħu jilħqu dak l-objettiv billi jirrealizzaw il-potenzjal identifikat ta’ flessibbiltà mhux fossili, permezz tat-tneħħija ta’ ostakli tas-suq identifikati jew permezz tal-iskemi ta’ appoġġ għall-flessibbiltà mhux fossili msemmija fl-Artikolu 19g ta’ dan ir-Regolament. Dak l-objettiv nazzjonali indikattiv, inkluż il-kontributi speċifiċi rispettivi tar-rispons tad-domanda u tal-ħżin tal-enerġija għal dak l-objettiv, kif ukoll il-miżuri biex dan jinkiseb, għandhom jiġu riflessi wkoll fil-pjanijiet nazzjonali integrati tal-Istati Membri dwar l-enerġija u l-klima fir-rigward tad-dimensjoni “Suq Intern tal-Enerġija” f’konformità mal-Artikoli 3, 4 u 7 tar-Regolament (UE) 2018/1999 u fir-rapporti ta’ progress nazzjonali integrati tagħhom dwar l-enerġija u l-klima f’konformità mal-Artikolu 17 ta’ dak ir-Regolament. L-Istati Membri jistgħu jiddefinixxu objettivi nazzjonali indikattivi proviżorji sakemm jiġi adottat ir-rapport skont l-Artikolu 19e(1) ta’ dan ir-Regolament. Wara l-valutazzjoni mwettqa f’konformità mal-Artikolu 9 tar-Regolament (UE) 2018/1999, il-Kummissjoni, wara li tirċievi l-objettiv nazzjonali indikattiv definit u kkomunikat mill-Istati Membri f’konformità mal-paragrafu 1 ta’ dan l-Artikolu, għandha tippreżenta rapport lill-Parlament Ewropew u lill-Kunsill li jivvaluta r-rapporti nazzjonali. Abbażi tal-konklużjonijiet tar-rapport elaborat bl-ewwel informazzjoni kkomunikata mill-Istati Membri, il-Kummissjoni tista’ tfassal strateġija tal-Unjoni dwar il-flessibbiltà, b’enfasi partikolari fuq ir-rispons tad-domanda u l-ħżin tal-enerġija, biex jiġi ffaċilitat l-użu tagħhom, li huwa konsistenti mal-miri tal-enerġija u tal-klima tal-Unjoni għall-2030 u l-objettiv tan-newtralità klimatika tal-2050. Dik l-istrateġija tal-Unjoni dwar il-flessibbiltà tista’ tkun akkumpanjata, fejn xieraq, minn proposta leġiżlattiva.
Artikolu 19g Skemi ta’ appoġġ għall-flessibbiltà mhux fossili
Artikolu 19h Prinċipji ta’ tfassil għall-iskemi ta’ appoġġ għall-flessibbiltà mhux fossili	Artikolu 19h Prinċipji ta’ tfassil għall-iskemi ta’ appoġġ għall-flessibbiltà mhux fossili L-iskemi ta’ appoġġ għall-flessibbiltà mhux fossili applikati mill-Istati membri f’konformità mal-Artikolu 19g(1) għandhom: (a) ma jmorrux lil hinn minn dak li huwa meħtieġ biex jinkiseb l-objettiv nazzjonali indikattiv, jew fejn rilevanti l-objettiv nazzjonali indikattiv proviżorju, definit skont l-Artikolu 19f b’mod kosteffettiv; (b) ikunu limitati għal investiment ġdid f’riżorsi ta’ flessibbiltà mhux fossili bħar-rispons min-naħa tad-domanda u l-ħżin tal-enerġija; (c) iqisu kriterji lokazzjonali biex jiġi żgurat li l-investimenti f’kapaċità ġdida jseħħu fl-aħjar postijiet; (d) ma jimplikawx ġenerazzjoni inizjali bbażata fuq il-fjuwils fossili li tinsab wara l-punt ta’ kejl; (e) jagħżlu l-fornituri tal-kapaċità permezz ta’ proċess miftuħ, trasparenti, kompetittiv, volontarju, nondiskriminatorju u kosteffettiv; (f) jipprevjenu distorsjonijiet bla bżonn għall-funzjonament effiċjenti tas-swieq tal-elettriku inkluż il-preservazzjoni ta’ inċentivi għal tħaddim effiċjenti u sinjali tal-prezzijiet u l-iskopertura għall-varjazzjoni fil-prezzijiet u għar-riskju tas-suq; (g) jipprovdu inċentivi għall-integrazzjoni fis-swieq tal-elettriku b’mod ibbażat fuq is-suq u b’mod li jirrispondi għas-suq, filwaqt li jiġu evitati distorsjonijiet bla bżonn tas-swieq tal-elettriku kif ukoll jitqiesu l-kostijiet possibbli tal-integrazzjoni tas-sistema u l-konġestjoni u l-istabbiltà tal-grilja; (h) jistabbilixxu livell minimu ta’ parteċipazzjoni fis-swieq tal-elettriku f’termini ta’ enerġija attivata, li jqis l-ispeċifiċitajiet tekniċi tal-assi li jwassal il-flessibbiltà; (i) japplikaw penali xierqa għall-fornituri tal-kapaċità li ma jirrispettawx il-livell minimu ta’ parteċipazzjoni fis-swieq tal-elettriku msemmi fil-punt (h), jew li ma jsegwux l-inċentivi għal tħaddim effiċjenti u s-sinjali tal-prezzijiet imsemmija fil-punt (f); (j) jippromwovu l-ftuħ tal-parteċipazzjoni transfruntiera ta’ dawk ir-riżorsi li huma kapaċi jipprovdu l-prestazzjoni teknika meħtieġa, fejn l-analiżi kost-benefiċċji tkun pożittiva.

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti
Sors	Rekwiżit

3. Standards relatati

Standards
Sors	Rekwiżit

Builddate: 16.07.2024 00:00:00 -Doknr: CELEX:32019R0943
EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.