Artikolu 21 Skema ta’ prestazzjoni

1.   Biex titjieb il-prestazzjoni tas-servizzi tan-navigazzjoni bl-ajru u l-ġestjoni tan-networks fl-Ajru Uniku Ewropew, għandha tapplika skema ta’ prestazzjoni għas-servizzi tan-navigazzjoni bl-ajru u għall-ġestjoni tan-network f’konformità ma’ dan l-Artikolu u l-Artikoli 22 sa 28.

2.   Dan l-Artikolu u l-Artikoli 21 sa 28 ma għandhomx japplikaw għal servizzi tan-navigazzjoni bl-ajru fit-terminal ipprovduti f’ajruporti, li jinsabu fit-territorju tal-Istati Membri li għalihom japplika t-Trattat, b’inqas minn 80 000 movimenti tat-trasport bl-ajru IFR fis-sena. Madankollu, Stat Membru jista’ jiddeċiedi li tali servizzi tan-navigazzjoni bl-ajru fit-terminal ikunu soġġetti għal dawk l-Artikoli.

3.   L-iskema ta’ prestazzjoni għandha tiġi implimentata fuq perjodi referenzjarji, li għandu jkollhom minimu ta’ 3 snin u massimu ta’ 5 snin. L-iskema ta’ prestazzjoni għandha tinkludi:

4.   L-iskema ta’ prestazzjoni msemmija fil-paragrafi 1 u 3 għandha tkun ibbażata fuq:

L-inċentivi finanzjarji pożittivi u d-diżinċentivi msemmija fil-punt (i) għandhom ikunu proporzjonati għad-daqs tad-devjazzjoni tal-prestazzjoni miksuba mill-mira. Huma għandhom iqisu l-impatt fuq in-network u l-punt sa fejn il-fornitur tas-servizzi tan-navigazzjoni bl-ajru għandu mezzi raġonevoli biex itaffi l-impatt ta’ fatturi esterni. L-inċentivi u d-diżinċentivi għandhom jiġu stabbiliti f’livell li jrawwem b’mod effettiv il-forniment tal-kwalità tas-servizz u ma għandhomx ifixklu l-kapaċità tal-fornitur tas-servizzi tan-navigazzjoni bl-ajru li jikkonforma mal-obbligi tiegħu skont ir-Regolament (UE) 2018/1139, inkluż dwar ir-robustezza finanzjarja.

Sabiex jiġu stabbiliti l-prinċipji ġenerali msemmija fil-punt (l), il-Kummissjoni għandha tirrieżamina l-kriterji nazzjonali eżistenti għall-allokazzjoni tal-kostijiet komuni għas-servizzi tan-navigazzjoni bl-ajru en route u fit-terminal u għandha tikkonsulta lill-awtoritajiet superviżorji nazzjonali u lill-partijiet ikkonċernati. Abbażi ta’ dan ir-rieżami, il-Kummissjoni għandha tistabbilixxi jew, kif xieraq, taġġorna dawk il-prinċipji ġenerali mhux aktar tard minn 12-il xahar qabel il-bidu ta’ kull perjodu referenzjarju.

5.   L-istabbiliment tal-miri tal-prestazzjoni inklużi fil-pjanijiet ta’ prestazzjoni, it-tħejjija u l-evalwazzjoni tal-abbozzi tal-pjanijiet ta’ prestazzjoni u l-monitoraġġ u l-valutazzjoni komparattiva tal-prestazzjoni tas-servizzi tan-navigazzjoni bl-ajru u tal-ġestjoni tan-network għandhom jikkunsidraw l-impatt taċ-ċirkostanzi lokali kif ukoll fatturi esterni li l-fornitur tas-servizzi tan-navigazzjoni bl-ajru ma għandu ebda mezz raġonevoli biex itaffi, fejn adatt.

L-impatt taċ-ċirkostanzi lokali li diġà tqiesu fl-istabbiliment tal-miri ta’ prestazzjoni għall-Unjoni kollha, f’konformità mal-Artikolu 22(2), il-punt (d), u fl-istabbiliment tal-valuri diżaggregati stabbiliti skont l-Artikolu 22(1) sussegwentement ma għandux jitqies meta tiġi vvalutata l-konsistenza tal-miri ta’ prestazzjoni inklużi fl-abbozz tal-pjan ta’ prestazzjoni mal-miri ta’ prestazzjoni għall-Unjoni kollha sabiex tiġi ġġustifikata d-devjazzjoni ta’ dawk il-miri preċedenti minn dawk il-miri tal-aħħar. L-impatt taċ-ċirkostanzi lokali li diġà tqiesu għall-istabbiliment tal-miri ta’ prestazzjoni inklużi fl-abbozz tal-pjan ta’ prestazzjoni sussegwentement ma għandux jitqies meta tiġi mmonitorjata l-kisba ta’ dawk il-miri.

6.   Il-livell tal-miri ta’ prestazzjoni msemmija fil-paragrafu 3, il-punt (c)(iii) għandu jiġi stabbilit filwaqt li jitqiesu ċ-ċirkostanzi lokali, b’mod partikolari r-rekwiżiti tal-politika ambjentali lokali.

7.   Għall-fini tal-implimentazzjoni tal-iskema ta’ prestazzjoni stabbilita skont dan ir-Regolament, għandu jitqies il-fatt li s-servizzi tan-navigazzjoni bl-ajru en route, is-servizzi tan-navigazzjoni bl-ajru fit-terminal u l-funzjonijiet tan-network għandhom karatteristiċi differenti u għalhekk għandhom jiġu ttrattati b’dan il-mod, inkluż, jekk meħtieġ, għall-finijiet tal-kejl tal-prestazzjoni.