Airteagal 30 Cumhachtaí tarmligthe

1.   Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 31 lena leasaítear Iarscríbhinní I agus II, Iarscríbhinn III cé is moite de theorainnluachanna fosfair agus Iarscríbhinn IV go hIarscríbhinn VII, i gcás inar gá na leasuithe sin chun iad a oiriúnú don dul chun cinn teicniúil nó eolaíoch.

2.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 31 lena leasaítear Iarscríbhinn VI, a mhéid a bhaineann leis an bhfaisnéis a sholáthrófar ar an bpas táirge digiteach, chun críocha é a chur in oiriúint do dhul chun cinn teicniúil agus eolaíoch agus do leibhéal ullmhachta digití na n-údarás faireachais margaidh agus na n-úsáideoirí deiridh.

3.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 31 lena leasaítear Airteagal 24(1) trína cheangal go ndéanfaí faisnéis bhreise i measc na faisnéise atá liostaithe in Iarscríbhinn VI a stóráil sa chlárlann.

Agus gníomhartha tarmligthe á nglacadh i gcomhréir leis an gcéad fhomhír, cuirfidh an Coimisiún na critéir seo a leanas san áireamh:

4.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 31 lena leasaítear Iarscríbhinn I agus, i gcás inarb iomchuí, Airteagal 4 chun:

Faoin 23 Márta 2029, glacfaidh an Coimisiún gníomhartha tarmligthe lena leagtar amach critéir in-bhithdhíghrádaitheachta agus modhanna tástála le haghaidh sceo agus polaiméirí laistigh de sceo.

Faoin 23 Márta 2031, glacfaidh an Coimisiún gníomhartha tarmligthe lena leagtar amach critéir in-bhithdhíghrádaitheachta agus modhanna tástála le haghaidh substaintí orgánacha a chuirtear isteach d’aon ghnó i dtiúchan 10 % w/w, ar a laghad, de mhais iomlán na substaintí, seachas uisce, i nglantaigh, nach dromchlaghníomhaithe, sceo ná polaiméirí laistigh de sceo iad.

5.   Is é is cuspóir do na gníomhartha tarmligthe dá dtagraítear i mír 4 ardleibhéal cosanta do shláinte an duine agus don chomhshaol a áirithiú. Agus na gníomhartha tarmligthe sin á nglacadh aige, cuirfidh an Coimisiún san áireamh an méid seo a leanas:

6.   Faoin 23 Meán Fómhair 2028 glacfaidh an Coimisiún gníomh tarmligthe i gcomhréir le hAirteagal 31 lena leasaítear pointe 7 in Iarscríbhinn II chun modheolaíocht a leagan amach chun measúnú riosca a dhéanamh ar leibhéal an straidhn agus ar leibhéal an táirge faoi na coinníollacha úsáide intuartha uile arna maíomh ag an monaróir.

Beidh sa mhodheolaíocht dá dtagraítear sa chéad fhomhír na rialacha maidir le miocrorgánaigh a shainaithint agus a shaintréithriú agus na critéir lena gcinntear má tá an glantach sábháilte do shláinte an duine agus don chomhshaol, lena n-áirítear acmhainneacht íograithe craicinn agus riospráide táirgí i bhformáid sprae, agus na rioscaí a d’fhéadfadh a bheith ann i gcás ionghabháil glantach a úsáidtear ar dhromchlaí a bhíonn i dteagmháil le bia.

Bunófar an mhodheolaíocht dá dtagraítear sa chéad fhomhír trí mhodhanna tástála gan ainmhithe a úsáid, gan dochar d’aon dlí ábhartha eile de chuid an Aontais, agus ní chuirfear cosc léi ar sonraí stairiúla a úsáid.

7.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 31 lena leasaítear Iarscríbhinn IV chun ceanglais chomhchuibhithe a leagan amach, lena n-áirítear formáid chomhchuibhithe, maidir leis an gcaoi leis an mbileog sonraí comhábhar a sholáthar i gcomhréir le hAirteagal 8(6), Airteagal 9(4), pointe (a), Airteagal 10(3) agus Airteagal 11(3), agus chun mionsonraí na cumarsáide sin agus na coinníollacha lena gceanglaítear nuashonrú a dhéanamh ar bhileog sonraí na gcomhábhar a leagan amach. Agus na ceanglais, na sonraí agus na coinníollacha sin á bhforbairt aige, cuirfidh an Coimisiún san áireamh an gá atá le rochtain éifeachtach ar bhileog sonraí na gcomhábhar ag comhlachtaí ceaptha a áirithiú, chomh maith leis an ngá atá leis an ualach riaracháin a choinneáil chomh beag is féidir.

8.   I gcás ina dtugtar isteach teorainneacha tiúchana rioscabhunaithe aonair le haghaidh ailléirginí cumhráin nó ina leasaítear iad i Rialachán (CE) Uimh. 1223/2009, glacfaidh an Coimisiún gníomhartha tarmligthe i gcomhréir le hAirteagal 31 den Rialachán seo lena leasaítear Iarscríbhinn V a ghabhann leis an Rialachán seo chun í a oiriúnú do na teorainneacha tiúchana le haghaidh ailléirginí cumhráin a liostaítear in Iarscríbhinn III a ghabhann le Rialachán (CE) Uimh. 1223/2009.

9.   I gcás ina liostaítear ailléirginí cumhráin nua in Iarscríbhinní II nó III a ghabhann le Rialachán (CE) Uimh. 1223/2009, glacfaidh an Coimisiún gníomhartha tarmligthe i gcomhréir le hAirteagal 31 den Rialachán seo chun na hailléirginí cumhráin sin a chur le Cuid D d’Iarscríbhinn V a ghabhann leis an Rialachán seo.

10.   Faoin 1 Deireadh Fómhair 2028, glacfaidh an Coimisiún gníomhartha tarmligthe i gcomhréir le hAirteagal 31 chun an Rialachán seo a fhorlíonadh, trí na ceanglais shonracha maidir le lipéadú digiteach glantach a chinneadh. Suífear leis na ceanglais sin ar a laghad na cineálacha réitigh IT a fhéadfaidh oibreoirí eacnamaíocha a úsáid, agus na bealaí malartacha chun an fhaisnéis ar an lipéad digiteach dá dtagraítear in Airteagal 19 a sholáthar.

Agus na gníomhartha tarmligthe dá dtagraítear sa chéad fhomhír á nglacadh, cuirfidh an Coimisiún na critéir seo a leanas san áireamh:

11.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 31 lena leasaítear Iarscríbhinn V, a mhéid a bhaineann leis an bhfaisnéis faoi lipéadú, nach gceadaítear d’oibreoirí eacnamaíocha a sholáthar ach ar bhonn digiteach i gcomhréir le hAirteagal 17(2), chun an Iarscríbhinn sin a chur in oiriúint do dhul chun cinn teicniúil agus eolaíoch agus do leibhéal na hullmhachta digití atá ag úsáideoirí deiridh glantach agus dromchlaghníomhaithe. Agus na gníomhartha tarmligthe sin á nglacadh aige, cuirfidh an Coimisiún san áireamh an gá atá le hardleibhéal cosanta do shláinte an duine agus don chomhshaol a áirithiú.

12.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 31 lena leasaítear Iarscríbhinn VII chun liosta na gcód tráchtearraí agus na dtuairiscí ar tháirgí maidir le glantaigh agus dromchlaghníomhaithe a thabhairt cothrom le dáta. Bunófar na leasuithe sin ar an liosta a leagtar amach in Iarscríbhinn I a ghabhann le Rialachán (CEE) Uimh. 2658/87.