Artikolu 383f Fatturi tar-riskju ta' firxiet tal-kreditu ta' referenza

Il-fatturi tar-riskju delta tal-firxiet ta' kreditu ta' referenza applikabbli għal strumenti sensittivi għall-firxiet ta' kreditu ta' referenza fil-portafoll ta' CVA għandhom ikunu l-firxiet ta' kreditu tal-maturitajiet kollha għall-ismijiet ta' referenza kollha f'bucket. Għandu jkun hemm sensittività netta waħda kkalkulata għal kull bucket.

Il-fatturi tar-riskju vega ta' firxiet ta' kreditu ta' referenza applikabbli għal strumenti fil-portafoll ta' CVA sensittivi għall-volatilità tal-firxiet ta' kreditu ta' referenza għandhom ikunu l-volatilitajiet tal-firxiet ta' kreditu tat-tenuri kollha għall-ismijiet ta' referenza kollha f'bucket. Għandu jkun hemm sensittività netta waħda kkalkulata għal kull bucket.