4.2.1 Kapaċitajiet interni/awtovalutazzjoni

L- istituzzjonijiet ta’ kreditu għandhom iwettqu awtovalutazzjoni komprensiva biex jevalwaw is - sitwazzjoni attwali u l - passi li għandhom jittieħdu internament sabiex jindirizzaw kwalunkwe nuqqasijiet fil - kapaċitajiet interni għall - ġestjoni tal - NPEs.

L- istituzzjonijiet għandhom jifhmu u jivvalutaw b’mod sħiħ:

• a) Il - kobor u l - motivaturi tal - NPEs tagħhom:
• i. id - daqs u l - evoluzzjoni tal - portafolli tal - NPE f’livell xieraq ta’ granularità, li jirrikjedi raggruppament xieraq tal - iskoperturi, kif deskritt fit - Taqsima 5.2.3;
• ii. il - motivaturi tal - flussi ta’ dħul u ta’ ħruġ tal - NPE, skont il - portafoll, fejn rilevanti;
• iii. korrelazzjonijiet u kawżi potenzjali oħra.
• b) L- eżiti tal - azzjonijiet tal - NPE meħuda fil - passat mill - istituzzjoni ta’ kreditu:
• i. it - tipi u n - natura ta’ azzjonijiet implimentati, inklużi attivitajiet ta’ tolleranza;
• ii. l - effettività ta’ dawk l - attivitajiet u l - motivaturi relatati.
• c) Il - kapaċitajiet operazzjonali tagħhom (proċessi, għodod, kwalità tad - data, IT/awtomazzjoni, persunal/għarfien espert, teħid tad - deċiżjonijiet, politiki interni u kwalunkwe qasam rilevanti ieħor għall - implimentazzjoni tal - istrateġija) b’rabta mad - diversi passi involuti fil - proċess, inkluż iżda mhux limitat għal:
• i. identifikazzjoni bikrija tal - NPEs;
• ii. attivitajiet ta’ tolleranza;
• iii. indebolimenti u tħassir;
• iv. valutazzjoni tal - kollateral;
• v. irkupru, proċess legali u preklużjoni;
• vi. ġestjoni tal - assi preklużi, fejn rilevanti;
• vii. rapportar u monitoraġġ tal - NPEs u l - effettività tas - soluzzjonijiet ta’ ristrutturazzjoni tal - NPE.

L- istituzzjonijiet ta’ kreditu għandhom iwettqu awtovalutazzjoni komprensiva li tkopri mill - inqas l - elementi elenkati fil - paragrafu 29 fuq bażi annwali biex jiġu ddeterminati l - punti b’saħħithom, il - lakuni sinifikanti u l - oqsma ta’ titjib meħtieġa biex jintlaħqu l - miri tat - tnaqqis tal - NPE.

L- istituzzjonijiet ta’ kreditu għandhom jirrapportaw ir - riżultat tal - awtovalutazzjoni komprensiva lill - korp maniġerjali tal - istituzzjoni u lill - awtorità kompetenti.

Jenħtieġ li l - istituzzjonijiet ta’ kreditu jikkunsidraw li jfittxu opinjonijiet esperti dwar il - kapaċitajiet operazzjonali tagħhom li jimmaniġġjaw l - NPEs minn funzjonijiet ta’ ġestjoni u kontroll tar - riskji tal - istituzzjoni jew minn sorsi esterni fuq bażi perjodika.