6.1 Miżuri ta’ tolleranza u l - vijabbiltà tagħhom

L- istituzzjonijiet ta’ kreditu għandhom jikkunsidraw l - użu ta’ taħlita ta’ miżuri ta’ tolleranza differenti, inklużi kemm perjodi ta’ żmien qasir kif ukoll ta’ żmien twil f’konformità man - natura u l - maturità tal - faċilitajiet ta’ kreditu. L - istituzzjonijiet ta’ kreditu għandhom iqisu l - lista ta’ miżuri ta’ tolleranza possibbli fl - Anness 5.

Jenħtieġ li l - istituzzjonijiet ta’ kreditu jużaw miżuri ta’ tolleranza b’perjodi ta’ żmien iqsar minn sentejn (sena fil - każ ta’ finanzjament ta’ proġetti u l - kostruzzjoni ta’ proprjetà kummerċjali) fejn tali miżuri ma jindirizzawx ir - riżoluzzjoni ta’ arretrati pendenti, sakemm tali miżuri ma jkunux kombinati ma’ miżuri ta’ tolleranza li jkunu itwal minn sentejn.

L- istituzzjonijiet ta’ kreditu għandhom jikkunsidraw miżuri ta’ tolleranza b’perjodi ta’ żmien ta’ mhux aktar minn sentejn (u, fejn xieraq, għal miżuri ta’ tolleranza oħrajn) meta l - mutwatarju jissodisfa l - kriterji li ġejjin:

• a) Il - mutwatarju esperjenza avveniment identifikabbli li kkawża restrizzjonijiet temporanji ta’ likwidità. L - evidenza ta’ avveniment bħal dan għandha tintwera b’mod formali bi provi ċari li juru li d - dħul tal - mutwatarju se jirkupra kompletament jew l - aktar fuq terminu qasir, jew abbażi tal - istituzzjoni ta’ kreditu li tikkonkludi li soluzzjoni ta’ tolleranza fit - tul ma kinitx possibbli minħabba inċertezza finanzjarja temporanja ta’ natura ġenerali jew speċifika għall - mutwatarju. Il - forma ta’ evidenza li għandha tiġi pprovduta għal dan il - għan għandha tkun proporzjonata għan - natura, il - maturità u l - valur tal - faċilità ta’ kreditu inkwistjoni.
• b) Il - mutwatarju kien qed jissodisfa l - obbligi kuntrattwali qabel l - avveniment.
• c) Il - mutwatarju jkun wera b’mod ċar ir - rieda li jikkoopera mal - istituzzjoni ta’ kreditu.

It - termini kuntrattwali għal kwalunkwe miżura ta’ tolleranza għandhom jiżguraw li l - istituzzjoni ta’ kreditu jkollha d - dritt li tirrevedi l - miżuri ta’ tolleranza miftiehma jekk is - sitwazzjoni tal - mutwatarju titjieb u għalhekk il - kundizzjonijiet aktar favorevoli għall - istituzzjoni ta’ kreditu (fir - rigward tat - tolleranza jew il - kundizzjonijiet kuntrattwali oriġinali) ikunu jistgħu jiġu infurzati; għal dan il - għan, il - kuntratt għandu jindika l - bidliet speċifiċi fil - miżura ta’ tolleranza li għandhom jiġu applikati bħala konsegwenza ta’ titjib speċifiku fis - sitwazzjoni tad - debitur. L - istituzzjonijiet ta’ kreditu għandhom jikkunsidraw ukoll li jinkludu konsegwenzi stretti, bħal rekwiżit għal kollateral addizzjonali, fit - termini kuntrattwali għall - mutwatarji li jonqsu milli jikkonformaw mal - ftehim ta’ tolleranza.

6.1.1 Tolleranza vijabbli kontra tolleranza mhux vijabbli