6.1.1 Tolleranza vijabbli kontra tolleranza mhux vijabbli

L- istituzzjonijiet ta’ kreditu għandhom jiddistingwu bejn miżuri ta’ tolleranza vijabbli li jikkontribwixxu għat - tnaqqis tal - iskopertura tal - mutwatarju u miżuri ta’ tolleranza mhux vijabbli.

L- istituzzjonijiet ta’ kreditu għandhom jikkunsidraw il - fatturi li ġejjin meta jivvalutaw il - vijabbiltà ta’ miżuri ta’ tolleranza:

• a) L- istituzzjoni ta’ kreditu tista’ turi (abbażi ta’ evidenza verifikabbli b’mod oġġettiv) lill - mutwatarju għandu l - kapaċità jħallas is - soluzzjoni ta’ tolleranza, jiġifieri huwa mistenni ħlas lura sħiħ.
• b) Ir - riżoluzzjoni ta’ arretrati pendenti hija kompletament jew fil - biċċa l - kbira tagħha indirizzata u huwa mistenni tnaqqis sinifikanti fil - bilanċ tal - mutwatarju fuq terminu medju sa twil.
• c) F’ każijiet fejn miżuri ta’ tolleranza preċedenti jkunu ngħataw, inkluż kwalunkwe miżura ta’ tolleranza preċedenti meqjusa fit - tul, l - istituzzjoni ta’ kreditu għandha tiżgura li jiġu implimentati kontrolli interni addizzjonali biex jiġi żgurat li dan it - trattament ta’ tolleranza sussegwenti jissodisfa l - kriterji ta’ vijabbiltà deskritti hawn taħt. Dawn il - kontrolli għandhom jinkludu, bħala minimu, li każijiet bħal dawn jinġiebu għall - attenzjoni tal - funzjoni ta’ kontroll tar - riskju ex ante b’mod espliċitu. Barra minn hekk, għandha tintalab l - approvazzjoni espliċita tal - korp deċiżjonali anzjan rilevanti.
• d) Miżuri ta’ tolleranza b’orizzont ta’ żmien qasir jiġu applikati temporanjament u l - istituzzjoni ta’ kreditu tista’ turi, fuq il - bażi ta’ evidenza verifikabbli b’mod oġġettiv, li l - mutwatarju għandu l - kapaċità li jħallas lura l - ammont oriġinali jew immodifikat fuq bażi sħiħa ta’ kapital u imgħax li jibda mid - data ta’ skadenza tal - arranġament temporanju għal żmien qasir.
• e) Il - miżura ma tirriżultax f’diversi miżuri ta’ tolleranza konsekuttivi li jkunu ngħataw għall - istess skopertura.

Il - valutazzjoni tal - vijabbiltà għandha tkun ibbażata fuq il - karatteristiċi finanzjarji tal - mutwatarju u l - miżura ta’ tolleranza li għandhom jingħataw f’dak iż - żmien. Il - valutazzjoni tal - vijabbiltà għandha sseħħ irrispettivament mis - sors ta’ tolleranza. Sorsi differenti għal miżuri ta’ tolleranza huma, inter alia, il - mutwatarju bl - użu ta’ klawżola ta’ tolleranza inkorporata f’kuntratt, negozjar bilaterali ta’ tolleranza bejn il - mutwatarju u istituzzjoni ta’ kreditu u skema ta’ tolleranza pubblika estiża għall - mutwatarji kollha f’sitwazzjoni speċifika.