Titolu IV – Dispożizzjonijiet finali u implimentazzjoni

Dawn il-Linji Gwida japplikaw minn 17.02.2025 , bl- eċċezzjoni ta’:

• a. paragrafi 4, 11, 12, 13, 14, 15, 16, 17, 18, 19, li se japplikaw mill - 15 ta’ Mejju 2025 għal valutazzjonijiet ta’ persuni fiżiċi, u mit - 30 ta’ April 2026 għal valutazzjonijiet ta’ persuni ġuridiċi;
• b. paragrafu 7.2 (a - e), li se japplika mit - 30 ta’ Jannar 2026.

L- awtoritajiet kompetenti għandhom jinkludu data storika disponibbli dwar persuni fiżiċi għall - aħħar ħames snin, ikkalkulati mid -data tal-applikazzjoni ta’ dawn il-Linji Gwida, fis-Sistema ta’ Informazzjoni tal- ASE sal - 15 ta’ Mejju 2025.

Meta punti uniċi ta’ data għall - persuna fiżika, eż. data jew post tat - twelid, speċifikati taħt il - paragrafu 7.1 ma jkunux disponibbli, l -awtoritajiet rikjedenti u dawk li ssirilhom it-talba għandhom jiżguraw b’mezzi oħra li l - informazzjoni li għandha tiġi pprovduta tkun rilevanti għall - valutazzjoni tal- persuna ta’ interess.

L- awtoritajiet kompetenti għandhom jinkludu data storika disponibbli dwar persuni ġuridiċi għall - aħħar sentejn ikkalkulati mit - 30 ta’ Jannar 2026 fis -Sistema ta’ Informazzjoni tal- ASE sat - 30 ta’ April 2026. Fin - nuqqas ta’ LEI għal persuni ġuridiċi, numri oħra ta’ reġistrazzjoni (eż. minn reġistru ċentrali, reġistru kummerċjali, reġistru ta’ kumpaniji jew reġistru pubbliku simili) u barra minn hekk il- pajjiż ta’ inkorporazzjoni għandhom jiddaħħlu fis -Sistema ta’ Informazzjoni tal- ASE.