Teideal IV – Forálacha críochnaitheacha agus cur chun feidhme

Beidh feidhm ag na Treoirlínte seo ón 17.02.2025, cé is moite de na nithe seo a leanas:

• a. míreanna 4, 11, 12, 13, 14, 15, 16, 17, 18, 19, a mbeidh feidhm acu ón 15 Bealtaine 2025 maidir le measúnuithe ar dhaoine nádúrtha, agus ón 30 Aibreán 2026 maidir le measúnuithe ar dhaoine dlítheanacha;
• b. mír 7.2 (a-e), a mbeidh feidhm aici ón 30 Eanáir 2026.

Ba cheart d’údaráis inniúla na sonraí stairiúla atá ar fáil maidir le daoine nádúrtha le cúig bliana anuas, arna ríomh ó dháta chur i bhfeidhm na dTreoirlínte seo, a áireamh sa Chóras Faisnéise ÚMEnna faoin 15 Bealtaine 2025.

I gcás nach bhfuil pointí sonraí aonair don duine nádúrtha ar fáil, e.g. dáta breithe nó áit bhreithe, a shonraítear faoi mhír 7.1, ba cheart do na húdaráis a dhéanann an iarraidh agus do na húdaráis a fhaigheann an iarraidh a áirithiú ar bhealaí eile go bhfuil an fhaisnéis ba cheart a sholáthar ábhartha don mheasúnú ar an duine leasa.

Ba cheart d’údaráis inniúla na sonraí stairiúla atá ar fáil maidir le daoine dlítheanacha don dá bhliain dheireanacha arna ríomh ón 30 Eanáir 2026 a áireamh sa Chóras Faisnéise ÚMEnna faoin 30 Aibreán 2026. In éagmais LEI le haghaidh daoine dlítheanacha, ba cheart uimhreacha clárúcháin eile (e.g. ó chlár lárnach, ó chlár tráchtála, ó chlár cuideachtaí nó ó chlár poiblí comhchosúil) agus ina theannta sin an tír chorpraithe a ionchur sa Chóras Faisnéise ÚMEnna.