Airteagal 47 Lipéadú ar fheidhmchláir folláine

1.   I gcás ina maíonn monaróir feidhmchlár folláine idir-inoibritheacht le córas RTS maidir le comhpháirteanna comhchuibhithe bogearraí de chórais RTS agus, dá bhrí sin, comhlíonadh leis na sonraíochtaí comhchoiteanna dá dtagraítear in Airteagal 36 agus leis na ceanglais bhunriachtanacha a leagtar síos in Iarscríbhinn II, gabhfaidh lipéad leis an bhfeidhmchlár folláine sin, ina léireofar go soiléir go gcomhlíonann sé na sonraíochtaí agus na ceanglais sin. Is é monaróir an fheidhmchláir folláine a eiseoidh an lipéad sin.

2.   Beidh an fhaisnéis seo a leanas ar áireamh ar an lipéad dá dtagraítear i mír 1:

3.   Déanfaidh an Coimisiún, trí bhíthin gníomhartha cur chun feidhme, formáid agus inneachar an lipéid dá dtagraítear i mír 1 a chinneadh. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 98(2).

4.   Déanfar an lipéad a tharraingt suas i gceann amháin nó níos mó de theangacha oifigiúla an Aontais nó i dteanga sothuigthe arna gcinneadh ag an mBallstát ina gcuirtear an feidhmchlár folláine ar an margadh nó i mbun seirbhíse.

5.   Ní rachaidh tréimhse bhailíochta an lipéid thar thrí bliana.

6.   Más cuid dhílis d’fheiste é an feidhmchlár folláine nó má tá sé leabaithe i bhfeiste tar éis í a bheith curtha i mbun seirbhíse, taispeánfar an lipéad a ghabhann leis san fheidhmchlár féin nó cuirfear ar an bhfeiste sin é. I gcás ina bhfuil bogearraí amháin mar chuid den fheidhmchlár folláine, beidh formáid dhigiteach ag an lipéad agus taispeánfar é san fheidhmchlár féin. Féadfar barrachód déthoiseach (2T) a úsáid freisin chun an lipéad a thaispeáint.

7.   Seiceálfaidh na húdaráis faireachais margaidh comhlíonadh na bhfeidhmchlár folláine leis na ceanglais bhunriachtanacha a leagtar síos in Iarscríbhinn II.

8.   Áiritheoidh gach soláthróir feidhmchlár folláine, ar eisíodh lipéad ina leith, go mbeidh lipéad do gach aonad aonair ag gabháil saor in aisce leis an bhfeidhmchlár folláine a chuirtear ar an margadh nó a chuirtear i mbun seirbhíse.

9.   Gach dáileoir feidhmchlár folláine ar eisíodh lipéad ina leith, déanfaidh sé an lipéad a chur ar fáil do chustaiméirí ag an díolphointe i bhfoirm leictreonach.