Airteagal 64 Coinníollacha ginearálta le haghaidh fíneálacha riaracháin arna gcur i bhfeidhm ag comhlachtaí rochtana sonraí sláinte a fhorchur

1.   Áiritheoidh gach comhlacht rochtana sonraí sláinte go mbeidh forchur fíneálacha riaracháin de bhun an Airteagail seo i ndáil le sáruithe dá dtagraítear i míreanna 4 agus 5 éifeachtach, comhréireach agus athchomhairleach i ngach cás aonair.

2.   Déanfar fíneálacha riaracháin, ag brath ar imthosca gach cáis faoi leith, a fhorchur de bhreis ar na bearta forfheidhmiúcháin dá dtagraítear in Airteagail 63(3) agus (4), nó ina n-ionad. Déanfaidh comhlachtaí rochtana sonraí sláinte cinneadh i dtaobh cibé acu a dhéanfar fíneáil riaracháin a fhorchur nó nach ndéanfar agus faoi mhéid na fíneála riaracháin i ngach cás aonair trí aird chuí a thabhairt ar na himthosca seo a leanas:

3.   Má sháraíonn sealbhóir sonraí sláinte nó úsáideoir sonraí sláinte, d’aon ghnó nó le faillí roinnt forálacha den Rialachán seo i gcás an cheada sonraí sláinte chéanna nó nasctha nó i gcás na n-iarrataí ar shonraí sláinte céanna nó nasctha, ní bheidh méid iomlán na fíneála riaracháin níos mó ná an méid a shonraítear don sárú is tromchúisí.

4.   I gcomhréir le mír 2 den Airteagal seo, beidh sáruithe ar dhualgais an tsealbhóra sonraí sláinte nó ar oibleagáidí an úsáideora sonraí sláinte de bhun Airteagal 60 agus Airteagal 61(1), (5) agus (6) faoi réir fíneálacha riaracháin nach mó ná EUR 10 000 000 ar a mhéad nó, i gcás gnóthais, nach mó ná 2 % ar a mhéad dá láimhdeachas bliantúil domhanda iomlán sa bhliain airgeadais roimhe sin, cibé acu is airde.

5.   I gcomhréir le mír 2, beidh na sáruithe seo a leanas faoi réir fíneálacha riaracháin nach mó ná EUR 20 000 000 ar a mhéad, nó i gcás gnóthais, nach mó ná 4 % ar a mhéad dá láimhdeachas bliantúil domhanda iomlán sa bhliain airgeadais roimhe sin, cibé acu is airde:

6.   Gan dochar do chumhachtaí na gcomhlachtaí rochtana sonraí sláinte de bhun Airteagal 63, féadfaidh gach Ballstát rialacha a leagan síos faoi cibé an bhféadfar, agus a mhéid a fhéadfar, fíneálacha riaracháin a fhorchur ar údaráis phoiblí agus ar chomhlachtaí earnála poiblí atá bunaithe sa Bhallstát sin.

7.   Beidh feidhmiú a chumhachtaí ag comhlacht rochtana sonraí sláinte faoin Airteagal seo faoi réir coimircí nós imeachta iomchuí i gcomhréir le dlí an Aontais agus leis an dlí náisiúnta, lena n-áirítear leigheasanna breithiúnacha éifeachtacha agus próis chuí.

8.   I gcás nach ndéantar foráil i gcóras dlí Ballstáit d’fhíneálacha riaracháin, féadfar an tAirteagal seo a chur i bhfeidhm ar bhealach, i gcomhréir lena chreat dlíthiúil náisiúnta, lena n-áirithítear go mbeidh na leigheasanna dlíthiúla sin éifeachtach agus go mbeidh éifeacht acu a bheidh coibhéiseach le héifeacht sin na bhfíneálacha riaracháin arna bhforchur ag comhlachtaí rochtana sonraí sláinte. In aon chás, beidh na fíneálacha a fhorchuirtear éifeachtach, comhréireach agus athchomhairleach. Tabharfaidh an Ballstát lena mbaineann fógra don Choimisiún faoi fhorálacha na ndlíthe arna nglacadh aige de bhun na míre seo faoin 26 Márta 2029 agus, gan mhoill, faoi aon dlí ina dhiaidh sin lena ndéanfar leasú ar na forálacha sin nó leasuithe a dhéanfaidh difear d’fhorálacha den sórt sin.