Artikolu 64 Kundizzjonijiet ġenerali għall-impożizzjoni ta’ multi amministrattivi mill-korpi tal-aċċess għad-data dwar is-saħħa

1.   Kull korp tal-aċċess għad-data dwar is-saħħa għandu jiżgura li l-impożizzjoni ta’ multi amministrattivi skont dan l-Artikolu fir-rigward ta’ ksur imsemmi fil-paragrafi 4 u 5 tkun effettiva, proporzjonata u dissważiva f’kull każ individwali.

2.   Il-multi amministrattivi għandhom, skont iċ-ċirkostanzi ta’ kull każ individwali, jiġu imposti flimkien mal-miżuri ta’ infurzar imsemmija fl-Artikolu 63(3) u (4), jew minflokhom. Korpi tal-aċċess għad-data dwar is-saħħa għandhom jiddeċiedu jekk għandiex tiġi imposta multa amministrattiva u l-ammont tal-multa amministrattiva, f’kull każ individwali billi jagħtu konsiderazzjoni dovuta lil dawn iċ-ċirkostanzi li ġejjin:

3.   Jekk detentur tad-data dwar is-saħħa jew utent tad-data dwar is-saħħa, intenzjonalment jew b’negliġenza, jikser diversi dispożizzjonijiet ta’ dan ir-Regolament għall-istess permessi tad-data dwar is-saħħa jew talba għad-data dwar is-saħħa li tkun konnessia l-ammont totali tal-multa amministrattiva ma għandux jaqbeż l-ammont speċifikat għall-ksur l-aktar serji.

4.   F’konformità mal-paragrafu 2 ta’ dan l-Artikolu, ksur tad-dmirijiet tad-detentur tad-data dwar is-saħħa jew tal-utent tad-data dwar is-saħħa skont l-Artikolu 60 u l-Artikolu 61(1), (5) u (6) għandu jkun soġġett għal multi amministrattivi sa massimu ta’ EUR 10 000 000, jew, fil-każ ta’ impriża, sa massimu ta’ 2 % tal-fatturat annwali dinji totali tagħhabfis-sena finanzjarja preċedenti, skont liema jkun l-ogħla.

5.   F’konformità mal-paragrafu 2, il-ksur li ġej għandu, jkun soġġett għal multi amministrattivi sa massimu ta’ EUR 20 000 000, jew fil-każ ta’ impriża, sa massimu ta’ 4 % tal-fatturat annwali dinji totalitagħha fos-sena finanzjarja preċedenti, skont liema jkun l-ogħla:

6.   Mingħajr preġudizzju għas-setgħat ta’ korpi tal-aċċess għad-data dwar is-saħħa skont l-Artikolu 63, kull Stat Membru jista’ jistipula regoli dwar jekk u sa fejn multi amministrattivi jistgħu jiġu imposti fuq awtoritajiet pubbliċi u korpi tas-settur pubbliku stabbiliti f’dak l-Istat Membru.

7.   L-eżerċizzju minn korp tal-aċċess għad-data dwar is-saħħa tas-setgħat tiegħu skont dan l-Artikolu għandu jkun soġġett għal salvagwardji proċedurali adatti f’konformità mal-liġi tal-Unjoni u dik nazzjonali, inklużi rimedji ġudizzjarji u proċess dovut effettivi.

8.   Fejn is-sistema legali ta’ Stat Membru ma tipprevedix multi amministrattivi, dan l-Artikolu jista’ jiġi applikat b’mod li, f’konformità mal-qafas legali nazzjonali tiegħu, ikun żgurat li dawk ir-rimedji legali jkunu effettivi u jkollhom effett ekwivalenti għal multi amministrattivi imposti minn korpi tal-aċċess għad-data dwar is-saħħa. Fi kwalunkwe każ, il-multi imposti għandhom ikunu effettivi, proporzjonati u dissważivi. L-Istat Membru kkonċernat għandu jinnotifika lill-Kummissjoni bid-dispożizzjonijiet tal-liġijiet li jadotta skont dan il-paragrafu sas-26 ta’ Marzu 2029 u, mingħajr dewmien, ta’ kwalunkwe liġi sussegwenti li temenda tali dispożizzjonijiet jew emendi li jaffetwaw tali dispożizzjonijiet.