Airteagal 104 Leasú ar Rialachán (AE) 2024/2847

‘4.   Agus táirge ag a bhfuil eilimintí digiteacha á chur ar an margadh ag an monaróir, cuirfidh sé an measúnú riosca cibearshlándála dá dtagraítear i mír 3 den Airteagal seo san áireamh sa doiciméadacht theicniúil a cheanglaítear de bhun Airteagal 31 agus Iarscríbhinn VII. I gcás táirgí ag a bhfuil eilimintí digiteacha dá dtagraítear in Airteagal 12 agus Airteagal 32(5a), atá faoi réir gníomhartha dlí eile de chuid an Aontais freisin, féadfaidh an measúnú riosca cibearshlándála a bheith mar chuid den mheasúnú riosca a cheanglaítear leis na gníomhartha dlí sin de chuid an Aontais. I gcás nach bhfuil ceanglais chibearshlándála fhíor-riachtanacha áirithe infheidhme maidir leis an táirge ag a bhfuil eilimintí digiteacha, cuirfidh an monaróir údar soiléir chuige sin san áireamh sa doiciméadacht theicniúil sin.’

‘3.   I gcás táirgí ag a bhfuil eilimintí digiteacha dá dtagraítear in Airteagal 12 agus Airteagal 32(5a), atá faoi réir ghníomhartha dlí eile de chuid an Aontais freisin lena bhforáiltear do dhoiciméadacht theicniúil, déanfar tacar aonair de dhoiciméadacht theicniúil a tharraingt suas ina mbeidh an fhaisnéis dá dtagraítear in Iarscríbhinn VII agus an fhaisnéis a cheanglaítear leis na gníomhartha dlí sin de chuid an Aontais.’

‘5a.   Léireoidh monaróirí táirgí ag a bhfuil eilimintí digiteacha agus atá aicmithe mar chórais RTS faoi Rialachán (AE) 2025/327 ó Pharlaimint na hEorpa agus ón gComhairle (*1) go bhfuil siad i gcomhréir leis na ceanglais fhíor-riachtanacha a leagtar amach in Iarscríbhinn I a ghabhann leis an Rialachán seo trí úsáid a bhaint as an nós imeachta ábhartha um measúnú comhréireachta dá bhforáiltear i gCaibidil III de Rialachán (AE) 2025/327.