IARSCRÍBHINN III Doiciméadacht theicniúil

(a)

an cuspóir atá beartaithe dó, agus dáta agus leagan an chórais RTS;

(b)

catagóirí na sonraí leictreonacha pearsanta sláinte a bhfuil an córas RTS deartha lena bpróiseáil;

(c)

an chaoi a n-idirghníomhaíonn an córas RTS nó an chaoi ar féidir é a úsáid chun idirghníomhú le crua-earraí nó bogearraí nach cuid iad den chóras RTS é féin;

(d)

na leaganacha de bhogearraí nó dochtearraí ábhartha agus aon cheanglas a bhaineann le leagan nuashonraithe;

(e)

an tuairisc ar na foirmeacha uile ina gcuirtear an córas RTS ar an margadh nó ina gcuirtear i mbun seirbhíse é;

(f)

an tuairisc ar na crua-earraí ar a bhfuil sé beartaithe an córas RTS a rith;

(g)

tuairisc ar ollstruchtúr an chórais ina mínítear conas a thógann comhpháirteanna bogearraí ar a chéile nó conas a chuireann siad lena chéile agus conas a chomhtháthaítear iad sa phróiseáil fhoriomlán, lena n-áirítear, i gcás inarb iomchuí, léirithe pictiúrtha lipéadaithe (e.g. léaráidí agus líníochtaí), lena léirítear go soiléir na príomhpháirteanna nó na príomh-chomhpháirteanna bogearraí agus lena n-áirítear míniú leordhóthanach chun na líníochtaí agus na léaráidí a thuiscint;

(h)

na sonraíochtaí teicniúla, amhail gnéithe, toisí agus saintréithe feidhmíochta, de chuid an chórais RTS agus aon mhalairtí nó aon chumraíochtaí agus aon ghabhálais a bheadh le fáil de ghnáth sa tsonraíocht táirge a chuirtear ar fáil don úsáideoir, mar shampla i mbróisiúir, i gcatalóga agus i bhfoilseacháin chomhchosúla, lena n-áirítear tuairisc mhionsonraithe ar struchtúir na sonraí, stóráil agus ionchur/aschur sonraí;

(i)

tuairisc ar aon athrú a dhéantar ar an gcóras le linn a shaolré;

(j)

na treoracha úsáide don úsáideoir agus, i gcás inarb infheidhme, treoracha suiteála.