ANNESS III Dokumentazzjoni teknika

(a)

l-għan maħsub tagħha, u d-data u l-verżjoni tas-sistema ta’ EHR;

(b)

il-kategoriji ta’ data elettronika personali dwar is-saħħa li s-sistema ta’ EHR tkun ġiet iddisinjata biex tipproċessa;

(c)

kif is-sistema ta’ EHR tinteraġixxi jew tista’ tintuża biex tinteraġixxi ma’ hardware jew software li mhumiex parti mis-sistema ta’ EHR nnifisha;

(d)

il-verżjonijiet tas-software jew tal-firmware rilevanti u kwalunkwe rekwiżit relatat mal-aġġornament tal-verżjoni;

(e)

id-deskrizzjoni tal-forom kollha li fihom is-sistema ta’ EHR titqiegħed fis-suq jew titqiegħed fis-servizz;

(f)

id-deskrizzjoni tal-hardware li fuqu s-sistema ta’ EHR maħsuba li taħdem;

(g)

deskrizzjoni tal-arkitettura tas-sistema li tispjega kif il-komponenti tas-software jibnu fuq xulxin jew jikkontribwixxu għal xulxin u jintegraw fl-ipproċessar globali, inkluż fejn xieraq, rappreżentazzjonijiet bl-istampi ttikkettati (eż. dijagrammi u tpinġijiet), li jindikaw b’mod ċar il-partijiet jew il-komponenti tas-software ewlenin u li jinkludu spjegazzjoni suffiċjenti biex wieħed jifhem it-tpinġijiet u d-dijagrammi;

(h)

l-ispeċifikazzjonijiet tekniċi, bħal pereżempju l-karatteristiċi, id-dimensjonijiet u l-attributi tal-prestazzjoni, tas-sistema ta’ EHR u kwalunkwe varjant jew konfigurazzjoni u aċċessorju li tipikament jidhru fl-ispeċifikazzjoni tal-prodott magħmul disponibbli għall-utent, pereżempju f’fuljetti, katalgi u pubblikazzjonijiet simili, inkluż deskrizzjoni dettaljata tal-istrutturi tad-data, tal-ħżin u tal-input/l-output tad-data;

(i)

deskrizzjoni ta’ kwalunkwe bidla li ssir fis-sistema tul iċ-ċiklu ta’ ħajjitha;

(j)

l-istruzzjonijiet tal-użu għall-utent u, fejn applikabbli, l-istruzzjonijiet tal-installazzjoni.