+Airteagal 92 Ceanglais cistí dílse
---+Airteagal 92 1.
---+Airteagal 92 1a.
---+Airteagal 92 2.
---+Airteagal 92 3.
---+Airteagal 92 4.
---+Airteagal 92 5.
---+Airteagal 92 6.

Airteagal 92 Ceanglais cistí dílse

-

1. Forbhreathnú

,
Airteagal 92 1.

Faoi réir Airteagal 93 agus Airteagal 94, comhlíonfaidh institiúidí tráth ar bith na ceanglais cistí dílse seo a leanas:

(a) 

cóimheas caipitil 4.5 % de Ghnáthchothromas Leibhéal 1;

(b) 

cóimheas caipitil Leibhéal 1 6 %;

(c) 

cóimheas caipitil iomlán 8 %;

▼M8

(d) 

cóimheas luamhánaithe 3 %.
Airteagal 92 1a.
Sa bhreis ar an gceanglas a leagtar síos i bpointe (d) de mhír 1 den Airteagal seo, coinneoidh G-SII maolán cóimheasa luamhánaithe cothrom le tomhas iomlán risíochta de chuid G-SII dá dtagraítear in Airteagal 429(4) den Rialachán seo arna iolrú faoi 50 % de mhaolán G-SII is infheidhme maidir le G-SII i gcomhréir le hAirteagal 131 de Threoir 2013/36/AE.

Ní dhéanfaidh G-SII an ceanglas maoláin cóimheasa luamhánaithe a chomhlíonadh ach amháin le caipiteal Leibhéal 1. Caipiteal Leibhéal 1 a úsáidfear chun an ceanglas maoláin cóimheasa luamhánaithe a chomhlíonadh, ní úsáidfear é chun aon cheanglas luamhánú-bhunaithe a leagtar amach i bpointe (d) de mhír 1 den Airteagal seo agus i dTreoir 2013/36/AE a chomhlíonadh, ach amháin má dhéantar foráil shainráite dó ar shlí eile sa Rialachán nó sa Treoir.

I gcas nach gcomhlíonfaidh G-SII an ceanglas maoláin cóimheasa luamhánaithe, beidh sé faoi réir an cheanglais caomhnaithe caipitil i gcomhréir le hAirteagal 141b de Threoir 2013/36/AE.

I gcás nach gcomhlíonfaidh G-SII an ceanglas maoláin cóimheasa luamhánaithe agus an ceanglas maoláin chomhcheangailte mar a shainmhínítear i bpointe (6) d'Airteagal 128 de Threoir 2013/36/AE é ag an am céanna, beidh sé faoi réir an cheanglais caomhnaithe caipitil atá níos airde i gcomhréir le hAirteagal 141 agus 141b den Treoir sin.
Airteagal 92 2.

Ríomhfaidh institiúidí a gcóimheasa caipitil mar seo a leanas:

(a) 

is ionann cóimheas caipitil Ghnáthchothromas Leibhéal 1 agus caipiteal Ghnáthchothromas Leibhéal 1 na hinstitiúide, arna shloinneadh mar chéatadán de mhéid iomlán na ►C9  neamhchosanta ◄ ar ►C9  riosca ◄ ;

(b) 

is ionann cóimheas caipitil Leibhéal 1 agus Caipiteal Leibhéal 1 na hinstitiúide, arna shloinneadh mar chéatadán de mhéid iomlán na ►C9  neamhchosanta ◄ ar ►C9  riosca ◄ ;

(c) 

is ionann an cóimheas caipitil iomlán agus cistí dílse na hinstitiúide, arna shloinneadh mar chéatadán de mhéid iomlán na ►C9  neamhchosanta ◄ ar ►C9  riosca ◄ .
Airteagal 92 3.

Ríomhfaidh institiúidí méid iomlán na neamhchosanta ar riosca mar leanas:

TREA = max {U-TREA; x·S-TREA}

i gcás inarb amhlaidh:

TREA

= méid iomlán neamhchosaint an eintitis ar riosca;

U-TREA

= méid iomlán neamhchosaint an eintitis ar riosca nach bhfuil socraithe ar íosráta arna ríomh i gcomhréir le mír 4;

S-TREA

= méid iomlán caighdeánaithe neamhchosaint an eintitis ar riosca arna ríomh i gcomhréir le mír 5;

x

= 72,5  %.

De mhaolú ar an gcéad fhomhír den mhír seo, féadfaidh Ballstát a chinneadh gurb éard a bheidh i méid iomlán na neamhchosanta ar riosca méid iomlán na neamhchosanta ar riosca nach bhfuil socraithe ar íosráta, arna ríomh i gcomhréir le mír 4, maidir le hinstitiúidí atá mar chuid de ghrúpa le máthairinstitiúid sa Bhallstát céanna, ar choinníoll go ndéanfaidh an mháthairinstitiúid sin nó, i gcás grúpaí atá comhdhéanta de chomhlacht lárnach agus d’institiúidí buanchleamhnaithe, an t-iomlán mar atá comhdhéanta den chomhlacht lárnach agus a institiúidí cleamhnaithe, méid iomlán na neamhchosanta ar riosca a ríomh, i gcomhréir leis an gcéad fhomhír den mhír seo ar bhonn comhdhlúite.
Airteagal 92 4.

Ríomhfar méid iomlán na neamhchosanta ar riosca nach bhfuil socraithe ar íosráta mar shuim phointí (a) go (g) den mhír seo tar éis mír 6 den Airteagal seo a chur san áireamh:

(a) 

na méideanna neamhchosanta a ualaítear ó thaobh riosca le haghaidh riosca creidmheasa, lena n-áirítear riosca creidmheasa contrapháirtí, agus riosca caolúcháin, arna ríomh i gcomhréir le Teideal II den Chuid seo agus le hAirteagal 379, maidir le gníomhaíochtaí gnó uile institiúide, cé is moite de mhéideanna neamhchosanta a ualaítear ó thaobh riosca ó ghnó leabhair trádála na hinstitiúide;

(b) 

ceanglais cistí dílse gnó institiúide, ar gnó é sin a bhaineann leis an leabhar trádála, i gcás an mhéid seo a leanas:

(i) 

riosca margaidh, arna ríomh i gcomhréir le Teideal IV den Chuid seo;

(ii) 

neamhchosaintí móra a sháraíonn na teorainneacha a shonraítear in Airteagail 395 go 401, a mhéid is ceadmhach d'institiúid na teorainneacha sin a shárú, arna gcinneadh i gcomhréir le Cuid a Ceathair;

(c) 

na ceanglais cistí dílse le haghaidh riosca margaidh, arna ríomh i gcomhréir le Teideal IV den Chuid seo le haghaidh gach gníomhaíochta gnó leabhair neamhthrádála atá faoi réir riosca malairte eachtraí nó riosca tráchtearraí;

(d) 

na ceanglais cistí dílse le haghaidh riosca socraíochta, arna ríomh i gcomhréir le hAirteagail 378 agus 380;

(e) 

na ceanglais cistí dílse le haghaidh an riosca coigeartaithe luachála creidmheasa arna ríomh i gcomhréir le Teideal VI den Chuid seo;

(f) 

na ceanglais cistí dílse le haghaidh le riosca oibriúcháin, arna ríomh i gcomhréir le Teideal III den Chuid seo;

(g) 

na méideanna neamhchosaintí a ualaítear ó thaobh riosca le haghaidh riosca creidmheasa contrapháirtí a eascraíonn as gnó leabhar trádála na hinstitiúide i gcás na gcineálacha idirbheart agus comhaontuithe a leanas, arna ríomh i gcomhréir le Teideal II den Chuid seo:

(i) 

conarthaí a liostaítear in Iarscríbhinn II agus díorthaigh chreidmheasa;

(ii) 

idirbhearta athcheannaigh, idirbhearta iasachtaithe nó iasachtaíochta urrús nó tráchtearraí bunaithe ar urrúis nó ar thráchtearraí;

(iii) 

idirbhearta iasachtaithe corrlaigh bunaithe ar urrúis nó ar thráchtearraí;

(iv) 

idirbhearta socraíochta iarchurtha.
Airteagal 92 5.

Ríomhfar méid iomlán caighdeánaithe na neamhchosanta ar riosca mar shuim mhír 4, pointí (a) go (g), tar éis na forálacha a leagtar amach i mír 6 agus na ceanglais seo a leanas a chur san áireamh:

(a) 

na méideanna neamhchosanta a ualaítear ó thaobh riosca le haghaidh riosca creidmheasa, lena n-áirítear riosca creidmheasa contrapháirtí, agus riosca caolúcháin, dá dtagraítear i mír 4, pointe (a), agus le haghaidh riosca creidmheasa contrapháirtí a eascraíonn as gnó leabhair trádála na hinstitiúide dá dtagraítear i bpointe (g) den mhír sin, déanfar iad a ríomh gan aon cheann de na cineálacha cur chuige seo a leanas a úsáid:

(i) 

cur chuige na samhla inmheánaí le haghaidh máistir-chomhaontuithe glanluachála a leagtar amach in Airteagal 221;

(ii) 

an Cur Chuige Bunaithe ar Rátálacha Inmheánacha a leagtar amach i dTeideal II, Caibidil 3;

(iii) 

Cur Chuige Bunaithe ar Rátálacha Inmheánacha i leith an Urrúsaithe a leagtar amach in Airteagail 258, 259 agus 260 agus Cur Chuige an Mheasúnaithe Inmheánaigh a leagtar amach in Airteagal 265;

(iv) 

Modh na Samhla Inmheánaí a leagtar amach i dTeideal II, Caibidil 6, Roinn 6;

(b) 

déanfar na ceanglais cistí dílse le haghaidh riosca margaidh do ghnó an leabhair trádála dá dtagraítear i mír 4, pointe (b)(i), a ríomh gan úsáid a bhaint astu seo a leanas:

(i) 

an cur chuige samhla inmheánaí malartach a leagtar amach i dTeideal IV, Caibidil 1b; nó

(ii) 

aon chur chuige a liostaítear faoi phointe (a) den mhír seo, i gcás inarb infheidhme;

(c) 

déanfar na ceanglais cistí dílse le haghaidh gach gníomhaíochta gnó leabhair neamhthrádála de chuid institiúide atá faoi réir riosca malairte eachtraí nó riosca tráchtearraí dá dtagraítear i mír 4, pointe (c), den Airteagal seo a ríomh gan an cur chuige samhla inmheánaí malartach a leagtar amach i dTeideal IV, Caibidil 1b, a úsáid.
Airteagal 92 6.

Beidh feidhm ag na forálacha seo a leanas nuair a bheidh méid iomlán na neamhchosanta ar riosca nach bhfuil socraithe ar íosráta dá dtagraítear i mír 4 agus méid iomlán caighdeánaithe na neamhchosanta ar riosca dá dtagraítear i mír 5 á ríomh:

(a) 

áireofar sna ceanglais cistí dílse dá dtagraítear i mír 4, pointí (d), (e) agus (f), na ceanglais sin a eascraíonn as gníomhaíochtaí gnó uile institiúide;

(b) 

déanfaidh institiúidí na ceanglais cistí dílse a leagtar amach i mír 4, pointí (b) go (f), a iolrú faoi 12,5 .

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin