2.5 Trédhearcacht inmheánach

Ba cheart beartas luach saothair gnólachta infheistíochta a nochtadh go hinmheánach do na baill foirne go léir agus ba cheart go mbeadh rochtain ag gach ball foirne air i gcónaí. Níl gnéithe rúnda luach saothair na mball foirne aonair faoi réir trédhearcacht inmheánach.

Ba cheart na baill foirne a chur ar an eolas faoi thréithe a luach saothair inathraithe, mar aon leis an bpróiseas agus na critéir a úsáidfear chun tionchar a ngníomhaíochtaí gairmiúla ar phróifíl riosca an ghnólachta infheistíochta agus ar a luach saothair inathraithe a mheas. Go sonrach, ba cheart an próiseas breithmheasa maidir le feidhmíocht an duine aonair a thaifeadadh i gceart agus ba cheart go mbeadh sé trédhearcach do na baill foirne lena mbaineann.