4.3 Critéir le haghaidh díolúine

Ba cheart d’údaráis inniúla, tar éis dóibh iarratas a fháil ó ghnólacht infheistíochta, a mheasúnú an bhféadfaí an gnólacht infheistíochta sin a dhíolmhú ó cheanglais leachtachta bunaithe ar riachtanais acmhainní airgeadais an ghnólachta infheistíochta le haghaidh foirceannadh ordúil nó athstruchtúrú.

Chun críche an mheasúnaithe dá dtagraítear i mír 18, ba cheart d’údaráis inniúla rioscaí an ghnólachta infheistíochta dá chliaint agus don ghnólacht féin, nádúr, raon feidhme agus castacht a ghníomhaíochtaí agus na cineálacha gníomhaíochtaí a dhéanann an gnólacht a chur san áireamh agus, má tá sé ar fáil, aon toradh ar an athbhreithniú maoirseachta agus ar an meastóireacht a rinneadh i gcomhréir le hAirteagal 36 de Threoir (AE) 2019/2034.

5 EBA Public

Féadfaidh údaráis inniúla gnólacht infheistíochta a sholáthraíonn comhairle bainistíochta punainne nó infheistíochta a dhíolmhú ar bhonn leanúnach nuair a bhainistíonn an gnólacht infheistíochta sócmhainní arna dtarmligean chuige ag institiúidí airgeadais eile.

Ba cheart an measúnú ar na riachtanais le haghaidh acmhainní airgeadais leachtacha a dhéanamh faoi ghnáthchoinníollacha agus faoi dhálaí struis araon, as a dtagann riosca méadaithe neamhréire idir eis-sreafaí agus insreafaí, go háirithe maidir le híocaíochtaí a bhaineann le suímh lasmuigh den chlár comhardaithe nó le costais dhlíthiúla.