5 Measúnú ar eolas agus ar thaithí comhaltaí aonair

Mar chuid den mheasúnú ar oiriúnacht an orgáin bainistíochta nó riaracháin, ba cheart do sheirbhíseoirí creidmheasa measúnú a dhéanamh ar eolas agus ar thaithí comhaltaí aonair. Chun na críche sin, ba cheart do sheirbhíseoirí creidmheasa:

• a. faisnéis a bhailiú ar roinnt bealach agus trí úsáid a bhaint as ionstraimí éagsúla (e.g. dioplómaí agus teastais, litreacha moltaí, curricula vitae , agallaimh, ceistneoirí);
• b. a cheangal ar an duine aonair measúnaithe faisnéis chruinn a sholáthar agus cruthúnas ar an bhfaisnéis sin a sholáthar, i gcás inar gá;
• c. a bhailíochtú, a mhéid is féidir, cruinneas na faisnéise arna soláthar ag an duine aonair atá á mheasúnú;
• d. i gcás inarb infheidhme, meastóireacht a dhéanamh laistigh den orgán bainistíochta ina fheidhm mhaoirseachta ar thorthaí an mheasúnaithe; agus
• e. i gcás inar gá, na bearta ceartaitheacha is gá a shainaithint.

Ba cheart do sheirbhíseoirí creidmheasa tuairisc a dhoiciméadú ar phost an chomhalta a ndearnadh measúnú ina leith, lena n-áirítear ról an phoist sin ag an seirbhíseoir creidmheasa, agus ba cheart dóibh torthaí an mheasúnaithe a shonrú i ndáil le heolas agus taithí agus torthaí an mheasúnaithe ar dhea-cháil faoi Airteagal 5(1)(b) de Threoir (AE) 2021/2167.