5 Il - valutazzjoni tal - għarfien u l - esperjenza ta’ membri individwali

Bħala parti mill - valutazzjoni tal - idoneità tal - organu maniġerjali jew amministrattiv, is - servizzjanti tal - kreditu għandhom jivvalutaw l - għarfien u l - esperjenza tal - membri individwali. Għal dak il - għan, is - servizzjanti tal - kreditu għandhom:

• a. jiġbru informazzjoni permezz ta’ diversi mezzi u strumenti (eż. diplomi u ċertifikati, ittri ta’ rakkomandazzjoni, curricula vitae, intervisti, kwestjonarji);
• b. jitolbu lill - individwu vvalutat jipprovdi informazzjoni preċiża u jipprovdi prova ta’ dik l - informazzjoni, fejn ikun meħtieġ;
• c. jivvalutaw, sa fejn ikun possibbli, il - korrettezza tal - informazzjoni mogħtija mill - individwu vvalutat;
• d. fejn applikabbli, jevalwaw ir - riżultati tal - valutazzjoni fi ħdan l - organu maniġerjali fil - funzjoni superviżorja tiegħu; u
• e. fejn meħtieġ, jidentifikaw il - miżuri korrettivi meħtieġa.

Is - servizzjanti tal - kreditu jenħtieġ li jiddokumentaw deskrizzjoni tal - pożizzjoni tal - membru li għaliha tkun twettqet valutazzjoni, inkluż ir - rwol ta’ dik il - pożizzjoni fis - servizzjant tal - kreditu, u jenħtieġ li jispeċifikaw ir - riżultati tal - valutazzjoni fir - rigward tal - għarfien u l - esperjenza u r - riżultati tal - valutazzjoni tar - reputazzjoni tajba skont l - Artikolu 5(1)(b) tad - Direttiva (UE) 2021/2167.