4.5. Oibleagáidí ar SSI an íocóra, ar SSI an íocaí agus ar SSIanna an íocaí i gcás ina bhfuil aistriú ina dhochar díreach

I gcás ina bhfuil aistriú cistí ina dhochar díreach, ba cheart do SSI an íocaí an fhaisnéis is gá faoin íocóir agus faoin íocaí a sheoladh chuig SSI an íocóra mar chuid de bhailiú an dochair dhírigh. Ar fháil na faisnéise sin do SSI an íocóra, ba cheart do SSI agus SSII an íocaí a mheas go bhfuil na ceanglais faisnéise in Airteagal 4, pointí (2) agus (4), agus Airteagal 5, pointí (1) agus (2), de Rialachán (AE) 2023/1113 á gcomhlíonadh.

Chun críoch mhír 91:

• a) ba cheart na hoibleagáidí a leagtar amach in Airteagail 4, 5 agus 6 de Rialachán (AE) 2023/1113 a chur i bhfeidhm maidir le SSI an íocaí;
• b) ba cheart do SSI an íocaí fíorú in Airteagal 4(4) de Rialachán (AE) 2023/1113 a dhéanamh ar fhaisnéis an íocaí, sula seolfaidh sé an bailiú dochair dhírigh;
• c) ba cheart na hoibleagáidí a leagtar amach in Airteagail 7, 8 agus 9 de Rialachán (AE) 2023/1113 a chur i bhfeidhm maidir le SSI an íocóra (SSI an fhéichiúnaí);
• d) ba cheart do SSI (SSI an fhéichiúnaí) an íocóra an fíorú in Airteagal 7(3) agus (4) de Rialachán (AE) 2023/1113 a dhéanamh ar fhaisnéis an íocóra sula gcuirfear cuntas an íocóra chun dochair.

I gcás ina bhfaigheann SSI an íocóra amach, agus é ag fáil na mbailiúchán dochair dhírigh, go bhfuil an fhaisnéis dá dtagraítear in Airteagail 4, 5 agus 6 de Rialachán (AE) 2023/1113 ar iarraidh nó neamhiomlán, nó nach bhfuil sí líonta isteach agus carachtair nó ionchuir atá inghlactha i gcomhréir le cleachtais an chórais teachtaireachtaí nó an chórais íocaíochta agus socraíochta dá dtagraítear in Airteagal 7(1) den Rialachán sin á n úsáid, ba cheart do SSI an íocóra na roghanna a leagtar amach in Airteagal 8(1), an dara fomhír, den Rialachán sin a chur ‑ i bhfeidhm. Ba cheart do SSI an íocóra a roghnú an fhaisnéis is gá faoin íocóir agus faoin íocaí a iarraidh sula gcuirfear cuntas an íocóra do dhochar nó ina dhiaidh sin, i gcur chuige rioscabhunaithe. Go háirithe, ba cheart dó a mheas ar cheart an íocaíocht a chreidiúnú fós i gcás ina bhfuil faisnéis ar iarraidh nó ar cheart cistí a chur ar fáil don íocaí a bhraitheann ar fhaisnéis a fhaightear ón íocóir agus a fhíoraítear mar chuid de phróiseas díchill chuí an chustaiméara, i gcomhréir le Cuid 4.4.

Ba cheart do SSI an íocóra na bealaí cumarsáide atá ar fáil a ghiaráil chun dul i dteagmháil le SSI aon íocaí a dteipeann air arís agus arís eile sula ndéanfaidh sé bearta breise chun íocaíochtaí a shrianadh nó a dhiúltú. I gcás ina mbraitheann SSIanna ar fhaisnéis a fhaightear roimh na hidirbhearta, ba cheart go gcuirfí san áireamh ina mbeartais agus ina nósanna imeachta athruithe a d’fhéadfaí a dhéanamh ar fhaisnéis le himeacht ama, go háirithe lena n áirítear ainm agus seoladh. ‑