4.1. Cuspóir

Ba cheart d’institiúidí cuir chuige réamhbhreathnaitheacha a fhorbairt agus anailís ar chásanna a dhéanamh chun rioscaí comhshaoil a bhainistiú agus chun bonn eolais a chur faoi chinntí straitéiseacha. Go sonrach:

• a. Ba cheart d’institiúidí anailís ar chásanna a úsáid chun críocha rioscaí agus deiseanna gnó a shainaithint, measúnú a dhéanamh ar leochaileachtaí a bpunann i leith rioscaí fisiceacha agus aistrithe, agus tástáil a dhéanamh ar a n athléimneacht i leith tion chair dhiúltacha fhéideartha na bhfachtóirí comhshaoil, ag tosú leis an athrú aeráide. -
• b. Ba cheart d’institiúidí anailís ar chásanna a úsáid chun tacú le forbairt a straitéise agus a bpróisis pleanála aistrithe mar a leagtar amach i dTreoirlínte ÚBE maidir le rioscaí ESG a bhainistiú agus á samhail ghnó a fhiosrú maidir le hathléimneacht in aghaidh tosca comhshaoil, lena n- áirítear sa tréimhse fhadtéarmach.
• c. Féadfaidh institiúidí anailís ar chásanna a úsáid freisin chun feasacht a mhúscailt agus chun tacú le rioscaí comhshaoil a leabú ina gcultúr corparáideach.

Agus anailís ar chásanna á déanamh, ba cheart d’institiúidí soiléireacht a áirithiú maidir le cuspóir, ionchais agus teorainneacha na hanailíse.

Ón tús, ba cheart d’institiúidí insint inchreidte agus chomhleanúnach a shainiú ina gcuirtear síos ar a bhfís den éabhlóid is dóchúla ar an timpeallacht ghnó ina bhfeidhmíonn siad. Ba cheart go mbeadh an insint seo mar bhunús le cás tagartha na hinstitiúid e dá dtagraítear i roinn 4.2. Ba cheart don bhainistíocht shinsearach é sin a fhormhuiniú agus a úsáid go comhsheasmhach (i.e. an insint chéanna a chur san áireamh) ar fud na heagraíochta ar fad.

Ba cheart d’institiúidí anailís ar chásanna a fhorbairt agus a chur chun feidhme de réir a chéile, agus é mar aidhm í a leabú ina gcreat bainistíochta ar fad (i.e. straitéis, rialachas, bainistiú riosca agus oibríochtaí). Agus anailís ar chásanna á húsáid chun tástáil a dhéanamh ar an athléimneacht in aghaidh tionchair dhiúltacha a d’fhéadfadh a bheith ag tosca comhshaoil, ba cheart d’institiúidí an dá uirlis chomhlántacha seo a leanas a mheas i gcomhréir le Roinn 5:

• a. An tástáil struis a d’fhéadfadh cabhrú le hinstitiúidí measúnú a dhéanamh ar a n - athléimneacht airgeadais (idir chaipiteal agus leachtacht) in aghaidh suaití comhshaoil sa ghearrthéarma.
• b. An anailís athléimneachta a d’fhéadfadh a bheith ina cuidiú le hinstitiúidí measúnú a dhéanamh ar a samhail ghnó agus, i gcás inar gá, í a oiriúnú chun a hathléimneacht a áirithiú i bhfianaise athruithe comhshaoil meántéarmacha agus fadtéarmacha.