Airteagal 45 1.

Déanfaidh an Coimisiún faireachán ar onnmhairí dramhaíola ón Aontas chuig tíortha a bhfuil feidhm ag Cinneadh ECFE maidir leo, d’fhonn a áirithiú nach ndéanfaidh an t-onnmhairiú sin damáiste suntasach don chomhshaol ná do shláinte an duine sa tír chinn scríbe nó nach ndéanfar dramhaíl a allmhairítear ón Aontas a loingsiú ar aghaidh chuig tríú tíortha. Mar chuid dá fhaireachán, déanfaidh an Coimisiún measúnú ar iarrataí ó dhaoine nádúrtha nó dlítheanacha a bhfuil faisnéis agus sonraí ábhartha ag gabháil leo a léiríonn nach gcomhlíonann bainistiú dramhaíola arna honnmhairiú ón Aontas na ceanglais maidir le bainistiú atá neamhdhíobhálach don chomhshaol dá dtagraítear in Airteagal 59 i dtríú tír a bhfuil feidhm ag Cinneadh ECFE maidir léi, nó go bhfuil onnmhairiú den sórt sin ina chúis le héifeachtaí díobhálacha suntasacha ar bhainistiú dramhaíola a ghintear sa tír sin.