5.3 Qafas ta’ kontroll

Il - korp maniġerjali għandu jkun responsabbli għall - istabbiliment u l - monitoraġġ tal - adegwatezza u l - effikaċja tal - qafas ta’ kontroll intern. B’mod partikolari, jenħtieġ li jiġu implimentati proċessi ta’ kontroll intern effettivi u effiċjenti għall - qafas ta’ ristrutturazzjoni tal - NPE sabiex jiġi żgurat l - allinjament sħiħ bejn l - istrateġija tal - NPE u l - pjan operazzjonali minn banda waħda u l - istrateġija ġenerali tan - negozju tal - istituzzjoni ta’ kreditu, inklużi l - istrateġija tal - NPE u l - pjan operazzjonali, u l - aptit għar - riskju mill - banda l - oħra.

Jenħtieġ li l - funzjonijiet ta’ kontroll intern jissottomettu regolarment lill - korp maniġerjali rapporti bil - miktub dwar il - ġestjoni tal - NPEs li jenfasizzaw nuqqasijiet identifikati maġġuri. Dawn ir - rapporti għandhom jinkludu, għal kull nuqqas kbir identifikat ġdid, ir - riskji rilevanti involuti, valutazzjoni tal - impatt, rakkomandazzjonijiet u miżuri korrettivi li għandhom jittieħdu. Fejn meħtieġ, il - Kapijiet tal - funzjonijiet ta’ kontroll intern għandhom ikunu jistgħu jkollhom aċċess u jirrapportaw direttament lill - korp maniġerjali fil - funzjoni superviżorja tiegħu biex iqajmu tħassib u jwissu l - funzjoni superviżorja, fejn xieraq, meta żviluppi speċifiċi jaffettwaw jew jistgħu jaffettwaw lill - istituzzjoni. Dan m’għandux iwaqqaf lill - kapijiet tal - funzjonijiet ta’ kontroll intern milli jirrapportaw fi ħdan linji ta’ rappurtar regolari wkoll.

Il - korp maniġerjali għandu jsegwi s - sejbiet tal - funzjonijiet ta’ kontroll intern b’mod effettiv u f’waqtu u jeħtieġ azzjonijiet ta’ rimedju adegwati. Għandha tiddaħħal fis - seħħ proċedura ta’ segwitu formali dwar is - sejbiet u l - miżuri korrettivi.

Il - qafas ta’ kontroll intern għandu jinvolvi t - tliet linji tad - difiża kollha f’konformità mal - Linji Gwida tal - EBA dwar il - governanza interna²⁴ . Ir - rwoli tal - funzjonijiet differenti involuti għandhom jiġu assenjati u dokumentati b’mod ċar biex jiġu evitati lakuni jew duplikazzjonijiet. Ir - riżultati ewlenin tal - attivitajiet tat - tieni u t - tielet linja kif ukoll l - azzjonijiet ta’ mitigazzjoni definiti u l - progress fuq dawk il - ħtiġijiet għandhom jiġu rrappurtati lill - korp maniġerjali b’mod regolari.

²⁴ Linji gwida dwar il - governanza interna skont id - Direttiva 2013/36/UE (EBA/GL/2017/11).

Fl - implimentazzjoni tal - qafas ta’ kontroll, l - istituzzjonijiet ta’ kreditu akbar u aktar kumplessi għandhom japplikaw it - tliet linji ta’ difiża kollha; it - tieni linja ta’ difiża ma għandhiex għalfejn tkun speċifika għall - NPE u tista’ titwettaq mill - funzjoni (ta’ kontroll) tar - riskju ta’ kreditu.

Fl - implimentazzjoni tal - qafas ta’ kontroll, istituzzjonijiet ta’ kreditu iżgħar u inqas kumplessi (eż. dawk li huma kklassifikati fil - Kategorija 3 jew 4 tal - SREP) mhux neċessarjament ikollhom tliet linji ta’ difiża speċifiċi NPE sħaħ, iżda dawn għandhom jiżguraw li kwalunkwe kunflitt ta’ interess jiġi mitigat biżżejjed.

5.3.1 L- ewwel linja ta’ kontrolli tad - difiża

5.3.2 It - tieni linja ta’ kontrolli tad - difiża

5.3.3 It - tielet linja ta’ kontrolli tad - difiża