5.3.3 It - tielet linja ta’ kontrolli tad - difiża

It - tielet linja ta’ difiża, il - funzjoni tal - awditjar intern indipendenti, jenħtieġ li jkollha biżżejjed għarfien operazzjonali tal - NPE biex twettaq l - attivitajiet ta’ kontroll perjodiku tagħha dwar l - effiċjenza u l - effettività tal - qafas tal - NPE, inklużi l - kontrolli tal - ewwel u tat - tieni linja.

Fir - rigward tal - qafas tal - NPE, il - funzjoni tal - awditjar intern għandha, mill - inqas, twettaq valutazzjonijiet regolari biex tissorvelja l - aderenza ma’ politiki interni relatati mal - NPE (ara l - Anness 4) u ma’ din il - gwida. Dan għandu jinkludi wkoll spezzjonijiet għal għarrieda u reviżjonijiet tal - fajls ta’ kreditu.

Fid - determinazzjoni tal - frekwenza, l - ambitu u l - iskala tal - kontrolli li jridu jitwettqu, l - istituzzjonijiet ta’ kreditu għandhom iqisu l - livell ta’ NPEs u jekk ġewx identifikati irregolaritajiet u dgħjufijiet sinifikanti minn awditi reċenti.

Abbażi tar - riżultati tal - kontrolli tiegħu, il - funzjoni tal - awditjar intern għandha tagħmel rakkomandazzjonijiet lill - korp maniġerjali, u b’hekk iġġib titjib possibbli għall - attenzjoni tagħhom.