KAPITOLU 5 Dispożizzjonijiet ġenerali

Artikolu 30

L-ispejjeż amministrattivi xierqa u proporzjonati għall-implimentazzjoni tal-proċeduri ta’ notifika u superviżjoni u l-ispejjeż normali għall-analiżijiet u l-ispezzjonijiet xierqa jistgħu jiġu ddebitati mill-awtoritajiet kompetenti kkonċernati jew mill-awtoritajiet involuti fl-ispezzjonijiet lin-notifikatur u, meta rilevanti, lill-persuna li torganizza l-vjeġġ. L-Istati Membri għandhom jinnotifikaw lill-Kummissjoni bid-dispożizzjonijiet applikati fil-livell nazzjonali b’rabta ma’ tali spejjeż. Il-Kummissjoni għandha tagħmel dik l-informazzjoni disponibbli għall-pubbliku.

Artikolu 32

B’deroga mill-Artikolu 9(1) u (2), għal vjeġġi bejn reġjun ultraperiferiku ul-Istat Membru li jagħmel parti minnu, li jeħtieġu tranżitu tramite Stat Membru ieħor, il-kunsens taċitu mill-awtorità kompetenti tat-tranżitu jista’ jiġi preżunt jekk ma tiġi ppreżentata l-ebda oġġezzjoni fi żmien sebat ijiem tax-xogħol mid-data li fiha n-notifikatur jiġi infurmat f’konformità mal-Artikolu 8(12) li n-notifika tkun ġiet kompluta kif suppost. Dak il-kunsens taċitu għandu jkun validu għall-istess perjodu kif indikat fil-kunsens bil-miktub mogħti mill-awtorità kompetenti tad-destinazzjoni f’konformità mal-Artikolu 9(1).

Artikolu 33

Id-Danimarka tista’ tadotta deċiżjoni biex tittratta l-importazzjonijiet ta’ skart mill-Gżejjer Faeroe lejn id-Danimarka, li ma jkollhom tranżitu tramite l-ebda pajjiż ieħor, skont l-Artikolu 36 ta’ dan ir-Regolament. Jekk id-Danimarka tadotta tali deċiżjoni, din għandha tiġi nnotifikata lill-Kummissjoni.